Mbyllet votimi në katër komunat veriore të Kosovës, ja pjesëmarrja

KQZ e ka vlerësuar të qetë dhe pa probleme ecurinë zgjedhjeve për kryetarë të katër komunave në veri të Kosovës. Në një deklaratë për media, kryetarja e KQZ, Valdete Daka ka njoftuar se pjesëmarrja e votuesve ka qenë në masën 42.42%.

“Në 87 vendvotime të komunave janë mbyllur të gjitha me kohë në ora 19.00. Sipas të dhënave preliminare nga terreni, procesi i votimit në këto katër komuna është zhvilluar pa ndonjë problem. Ju njoftojmë se të drejtën për të votuar në këto zgjedhje të jashtëzakonshme e shfrytëzuan 24.595 apo 42.42 për qind qytetarë me të drejtë vote nga gjithsej 57.983 sa është numri i përgjithshëm i tyre. Në zgjedhjet e tetorit deri në të njëjtën kohë kishin votuar 23.981 votues apo 41.90 për qind. Kjo është dalja sipas komunave: Leposaviq 41.57 për qind, Zubin Potok 50.74 për qind, Zveçan 48.17 për qind dhe në Mitrovicën e Veriut 38.74 për qind”, tha Daka.

Lajmi kryesor:

Mbyllet votimi në katër komunat veriore të Kosovës, KQZ: Procesi votimit i rregullt

B.K./Shqiptarja.com

TAG:
• kqz