POP 5

Lajmet më të lexuara të 5 minutave të fundit

Kosova & Rajoni

Mbyllja e 8 degëve të postës serbe, BE sërish thirrje Kurtit: Masat ndaj Kosovës mund të shtohen! Qeveria: Padrejtësi

Qeveria e Kosovës paralajmëron se shtimi i mundshëm i masave ndëshkuese ndaj Kosovës do të thellonte padrejtësinë nga ana e Bashkimit Europian. Paralajmërimi i BE për shtim masash erdhi pasi Kosova mbylli 9 degë të postës serbe në veri

Mbyllja e 8 degëve të postës serbe, BE sërish thirrje Kurtit: Masat ndaj Kosovës mund të shtohen! Qeveria: Padrejtësi

Peter Stano

Shtimi i mundshëm i masave ndëshkuese të Bashkimit Evropian ndaj Kosovës, do ta thellonte padrejtësinë, thotë Qeveria e Kosovës, duke komentuar deklaratën e zyrtarëve të Unionit se masat mund të reduktohen, të hiqen, por edhe të shtohen në varësi të hapave që do të ndërmarrë Kosova për të shtensionuar situatën në veri. Qeveria e Kosovës ka theksuar se masat e tilla nuk janë zgjidhje dhe se koha ka dëshmuar se kanë qenë të padrejta.

“Ato vazhdojnë të jenë të tilla për aq kohë sa janë në fuqi. Shtimi i tyre vetëm sa do ta thellonte padrejtësinë”, thuhet në komentin e Qeverisë. Masat e BE-së ndaj Kosovës përfshijnë: Pezullimin e përkohshëm të grupeve punuese për Marrëveshjen e Stabilizim-Asociimit, mosftesën e Kosovës në takime të nivelit të lartë dhe pezullimin e vizitave bilaterale. Gjithashtu, u pezullua edhe programimi i fondeve për Kosovën, që ishin parashikuar të dorëzoheshin përmes Kornizës së Investimeve në Ballkanin Perëndimor dhe IPA 2024.

Zëdhënësi i BE Peter Stano u është referuar veprimeve të autoriteteve të Kosovës, të cilat më 5 gusht mbyllën 9 degë të Postës së Serbisë, pasi thanë se ato vepronin në veri të Kosovës pa licencë. Përveç BE-së, edhe Shtetet e Bashkuara e kritikuan këtë vendim.

Po ashtu, komuniteti ndërkombëtar po kundërshton edhe hapjen e urës mbi lumin Ibër, që Qeveria e Kosovës synon ta hapë për qarkullimin e automjeteve. Shtetet e QUINT-it – SHBA, Britania e Madhe, Gjermania, Franca dhe Italia – ditëve të fundit deklaruan se nuk e mbështesin hapjen e urës në këtë moment. Qeveria e Kosovës, megjithatë ka theksuar për Radion Evropa e Lirë se mbyllja e degëve të Postës së Serbisë në veri “është çështje e sundimit të ligjit”.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Ani: 11/08/2024 07:54

    Turp per BE qe ben keto deklarata Bravo albin qe po u tregon europes qe seshte asgje vec nje kurve

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Mos harroni çadrat! Reshje shiu dhe temperatura deri në 14 gradë

Mos harroni çadrat! Reshje shiu dhe temperatura deri në 14 gradë

28 Nëntor, 07:23