POP 5

Lajmet më të lexuara të 5 minutave të fundit

Bota

'Mbyllja e papritur e Encrochat çoi në 6500 arrestime nga Europol', Reuters për operacionin që goditi edhe grupin kriminal në Shqipëri: Si u zbuluan 115 mln biseda kriminale

Agjencia e Evropiane policisë Europol tha të martën se rrëzimi i Encrochat, një kompani e fshehtë që u ofronte kriminelëve komunikime të sigurta të koduara, çoi në më shumë se 6500 arrestime dhe sekuestrimin e 900 milionë eurove, asete të sekuestruara

'Mbyllja e papritur e Encrochat çoi në 6500 arrestime nga Europol', Reuters për operacionin që goditi edhe grupin kriminal në Shqipëri: Si u zbuluan 115 mln biseda kriminale

Agjencia e Evropiane policisë Europol tha të martën se mbyllja Encrochat, një kompani e fshehtë që u ofronte kriminelëve komunikime të sigurta të koduara, çoi në më shumë se 6500 arrestime dhe sekuestrimin e 900 milionë eurove, asete të sekuestruara, shkruan Reuters.

Sistemi kishte rreth 60,000 përdorues kur u mbyll papritur në qershor 2020, dhe Europol zbuloi në muajin pasardhës se zyrtarët e zbatimit të ligjit kishin përgjuar komunikimet e përdoruesve për muaj të tërë.

Në një deklaratë të martën, Europol ofroi përmbledhjen e tij të parë të rezultateve të bisedave, të cilat tha se kishin godite grupet e krimit të organizuar në Evropë e më gjerë.

Policia ka analizuar më shumë se 115 milionë "biseda kriminale", tha Europol, duke ndihmuar në parandalimin e "sulmeve të dhunshme, tentativave për vrasje, korrupsionit dhe transportit të drogës në shkallë të gjerë".

Agjencia tha se hetimet e nisura nga që nga rënia e Encrochat e deri më tani kanë çuar në sekuestrimin e 100 tonëve kokainë, 30 milionë pilula "drogë kimike", gati një mijë automjete, qindra prona dhe dhjetëra varka dhe avionë.

Deklarata e policisë nuk dha detaje nëse vetë pronarët e Encrochat ishin arrestuar. Rezultatet e pjesshme të hetimeve të lidhura me Encrochat janë shpallur më parë nga policia franceze, holandeze dhe britanike në vitin 2020 dhe nga policia gjermane në 2021.

Encrochat shiti pajisje celulare të modifikuara Android për rreth 1000 euro secila dhe u ngarkoi përdoruesve tarifa të majme abonimi me premtimin se komunikimi i tyre do të mbetej i koduar dhe sekret.

Ajo u mbyll papritur në qershor 2020 pasi operatorët e saj të paidentifikuar me sa duket e kuptuan se ishin komprometuar.

Europol tha se kompania kishte drejtuar komunikimet e koduara përmes serverëve në Francë.

"Përfundimisht, ishte e mundur të vendosej një pajisje teknike për të shkuar përtej teknikës së kriptimit dhe për të marrë akses në korrespondencën e përdoruesve," tha Europol të martën.

Nga përgjimet e autoriteteve franceze, holandeze dhe belge, u bë e mundur edhe goditja e grupit kriminal edhe në vendit tonë, që çoi në pranga biznesmenin Pëllumb Gjoka, ish-shefin e Operacionale Oltion Bistri si dhe ish-prokurorin Xhevahir Lita si dhe eksponentë të tjerë të krimit. Ndërkohë u bë e mundur edhe zbardhja e disa ngjarjeve kriminale si dhe vrasja e Gjin Ndojit.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Si ka qenë për ju viti 2024?

Lajme të tjera



×

Lajmi i fundit

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

26 Dhjetor, 23:06