POP 5

Lajmet më të lexuara të 5 minutave të fundit

Kronikë

4 viktima në 24 orë, 2 të mbytur sot në Drinin e Zi dhe Vjosë, i riu kërkoi ndihmë, por shokët kujtuan se po bënte shaka

Ditën e sotme dy persona, një fëmijë në Dibër dhe një i ri në Fier janë mbytur në ujërat e lumit Drin i Zi dhe Vjosë.

4 viktima në 24 orë, 2 të mbytur sot në Drinin e Zi dhe Vjosë, i riu kërkoi ndihmë, por shokët kujtuan se po bënte shaka

Pamjet nga vendi ku u mbyt i riu në Vjosë

Bilanc tragjik. Katër të mbytur brenda 24 orëve. Ditën e sotme dy persona, një fëmijë në Dibër dhe një i ri në Fier janë mbytur në ujërat e lumit Drin i Zi dhe Vjosë. Viktima në Fier është një 30-vjeçar.

Report Tv mëson se rreth orës 13:40 të ditës së sotme duke u larë në lumin Vjosë, Armando Begaj u mbyt. 30-vjeçari ishte nga fshati Gorishovë njësia administrative Cakran.

I martuar dhe baba i një vajze, ai kishte shkuar për t'u larë në lumin Vjosë që kalon pranë fshatit Selishtë. Begaj ka qenë së bashku me dy shokët e tij. Kur ai ka kërkuar ndihmë shokët kanë kujtuar se ai po bënte shaka duke mos i shkuar në ndihmë.

Kur kanë parë që trupi po fundosej dhe e mori rrjedha e lumit kanë kërkuar ndihmë por nuk kanë mundur për ta shpëtuar. Policia dhe polumbarët po punojnë për gjetjen e trupit të 30-vjeçarit.

Ndërkohë që po mesditën e sotme është mbytur një fëmijë në afërsi të Luznisë në lumin Drini i Zi në Dibër. Fëmija kishte hyrë për t'u larë, por e nxorën pa shenja jete. Fëmijën e ka nxjerrë rrjedha e lumit.

Trupi është gjetur në fshatin Selane nga banorët e zonës dhe dyshohet se është mbytur shumë orë më parë dhe që e ka marrë rrjedha e lumit rreth 30 kilometra. Mosha dhe identiteti i fëmijës ende nuk dihen. Dje dy persona u mbytën në ujërat e lumit Buna në Shkodër.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Përplasen dy trena në Bullgari, 2 persona humbin jetën dhe 6 të tjerë plagosen

Përplasen dy trena në Bullgari, 2 persona humbin jetën dhe 6 të tjerë plagosen

15 Janar, 22:55