Mbytja e peshkarexhës në Vlorë, pasagjerët e tragetit: Ishin kapur me njëri-tjetrin, kjo i shpëtoi

Ditën e sotme, në orët e para të mëngjesit trageti Brindisi-Vlorë shpëtoi katër peshkatarët që kishin përfunduar në det pas një avarie që kishte pësuar peshkarexha e tyre.

Në një pronocim për Report Tv, disa nga dëshmitarët okularë (pasagjerët e tragetit), treguan momentet e shpëtimit të katër peshkatarëve.

Sipas tyre, katër peshkatarët ia kanë dalë që të shpëtonin pasi mbaheshin tek njëri-tjetri dhe në një pjesë plastike.   

Dëgjuam ulërima. Nga trageti nuk e di se kush e ka parë. Ata kishin një komerdare dhe po mbaheshin aty. Sapo u ngjitën në traget i futëm në kuzhinë.

 Pasagjer i tragetit

Ishim duke u afruar. I dëgjuam, trageti mori kthesën dhe i shpëtoi.

 Pasagjer i tragetit

I pamë shumë mirë, ata rrinin të kapur njëri pas tjetrit dhe mbaheshin pas një kallçuku. Vetëm ajo i ka shpëtuar. 

Pasagjer i tragetit

Lajmi kryesor:

Avari me pompën e ujit, mbytet peshkarexha në Vlorë, 4 anëtarët shpëtohen nga trageti italian (Foto+Video)

/b.ha./Shqiptarja.com

TAG:
• Vlore
• ishulli i sazanit
• deshmitare
• mbytet peshkarexha
• Emiljano Nebiu
• Mateo Jakupi
• Kristo Kosta
• Mihal Naçi
• pasgjeret e tragetit