POP 5

Lajmet më të lexuara të 5 minutave të fundit

Politikë

McCormack-Berishës: Zgjedhjet
treguan pjekurinë e demokracisë

Shefja e Misionit të Vëzhgimit të Zgjedhjeve të OSBE/ODIHR gjatë një takimi me kryeministrin Berisha, vlerësoi ecurinë e procesit zgjedhor në Shqipëri. Zonja McCormack tha ndër të tjera se realizimi i zgjedhjeve të 23 qershorit dhe procesi i numërimit të votave shënuan një përmirësim të dukshëm.
Meta falënderon McCormack:Garantuat zgjedhjet më të mira
McCormack-Berishës: Zgjedhjet<br />treguan pjekurinë e demokracisë
TIRANE- Shefja e Misionit të Vëzhgimit të Zgjedhjeve të OSBE/ODIHR, Conny McCormack, gjatë një takimi me kryeministrin Sali Berisha, vlerësoi ecurinë e procesit zgjedhor në Shqipëri. Zonja McCormack tha ndër të tjera se realizimi i zgjedhjeve të 23 qershorit 2013 dhe procesi i numërimit të votave shënuan një përmirësim të dukshëm.
 
Shefja e misionit të ODIHR, vlerësoi pozitivisht organizimin e ditës së votimit, duke theksuar se
“zhdukja e radhëve në votim, si pasojë e uljes së numrit të zgjedhësve për qendër votimi, ishte një përmirësim i dukshëm. Procesi i numërimit shënoi gjithashtu përmirësim. Është i rëndësishëm fakti që ky proces tregoi pjekurinë e demokracisë në Shqipëri”.
 
Ndër të tjera, zonja McCormack nënvizoi vullnetin dhe gatishmërinë e çdo aktori për bashkëpunim gjatë procesit zgjedhor, si dhe vlerësoi klimën e shkëlqyer në të cilën operoi misioni i ODIHR në Shqipëri.
 
Nga ana e tij, kryeministri Berisha e falënderoi zonjën McCormack për punën e shkëlqyer dhe profesionale që misioni i ODIHR bëri, duke theksuar se “vëzhgimi i zgjedhjeve është një element themelor në garantimin e transparencës dhe të besueshmërisë së procesit zgjedhor”.
 
Kryeministri e cilësoi procesin zgjedhor me standarte të larta dhe të civilizuar, si dhe vlerësoi pjesëmarrjen e lartë në votim.
 
Në përfundim të takimit të dy bashkëbiseduesit nënvizuan vullnetin e përbashkët për të vazhduar bashkëpunimin në të ardhmen.

Gjatë ditës së sotme kryetarja e Misionit të Vëzhgimit të ODIHR-it, Conny McCormack është takuar me Ministrin e Punëve të Jashtme Aldo Bumçi, ku theksoi se procesi i numërimit të votave ishte transparent dhe profesional.

Redaksia Online
(e.s/shqiptarja.com)

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Këshilltari i Trump për sigurinë kombëtare: Ai është i shqetësuar nga përshkallëzimi i konfliktit mes Rusisë dhe Ukrainës

Këshilltari i Trump për sigurinë kombëtare: Ai është i shqetësuar nga përshkallëzimi i konfliktit mes Rusisë dhe Ukrainës

24 Nëntor, 22:57