Në kuadër të Ditës së Shkopit të Bardhë do të organizohen tre ditë aktivitete që kanë në qendër të tyre angazhimin e personave që nuk shikojnë në jetën dhe veprimtaritë artistike brenda dhe jashtë vendit. VIC-Visually Inclusive Choir prej dy vitesh një bashkëpunim mes koreve të të personave që nuk shikojnë, Shqipëri, Greqi, France, mbështetur nga programi Creative Europe, Bashkia Tirane, MEKI dhe AMSHC .Ky angazhim shërben dhe reflektohet si simbol i pavarësisë, mobilitetit dhe inkurajimit për komunitetin e të verbërve, si në Shqipëri ashtu edhe në Europe. Për forcën dhe vlerën gjithëpërfshirëse që përcillet ndërmjet iniciativave të tilla, për implementimin e qasjeve të reja dhe vëmendjen e nevojshme të institucioneve drejt këtij target grupi, u organizua Media Conference ne sallën Europe House.
Besim Petrela- drejtues I Projektit Visually Inclusive Choirs
Zana Turku- dirigjente e Korit Shqiptar Joy of Singing
Maya Loffler- dirigjente e Korit të Francës
Niko Eftimiadis - dirigjente dhe drejtues i Federatës SE Koreve- Greqi
Gjatë konferencës, u vlerësua iniciativa e parë në bashkimin e Koreve të personave që nuk shikojnë dhe gjithë përfshirjen e tyre në aktivitete artistike, duke u dhënë vëmendjen dhe vlerësimin e duhur. Nuk është thjesht art, është shkëmbim dhe përsosje vlerash njerëzore, kulturash dhe kapacitetesh.
Në koncertin e mbrëmjes së 12 tetorit, koret do të këndojnë edhe repertor shqiptar dhe repertorin e vendeve të tyre.
“Nëse sot jemi këtu, ne Tirane si dhe një vit më parë, por dhe me artistë të rinj, që i janë bashkuar Projektit, do të thotë se ia vlen çdo përpjekje e bërë me dashuri, paqe dhe profesionalizëm”, u shpreh Niko Eftimiadis.
Lajme të tjera
-
Dita ndërkombëtare e Shkopit të Bardhë, qytetarët marshojnë në Sheshin Nëna Tereza
13 Tetor 2023, 12:17
