Me 176 km/h në autostradën Tiranë-Durrës, policia ndëshkon 'pilotët' (VIDEO)

Shpejtësi 176 km/h në autostradën Tiranë-Durrës

Policia Rrugore njofton se pavarësisht masave të shtuara të kontrollit në rrugë në drejtim të konstatimit të shkeljeve si shpejtësia mbi normat e lejuara apo drejtimi i mjetit nën efektin e alkoolit, përsëri në fundjavë dhe jo vetëm evidentohen raste ku shpejtesia e konstatuar i tejkalon jo vetëm kufijtë maksimale të lejuar por arrin në limite të frikshme të cilat janë rrezik potencial për jetën e vetë përdoruesve dhe të tjerëve në rrugë.

Në autostradën Tiranë-Durrësit janë ndaluar automjete që lëviznin me 163 km/h. 173 km/h dhe 176 km/h, të cilët janë kapur nga drageri. Për shkelësit janë pezulluar 15 Leje Drejtimi për shpejtësi të rrezikshme.

"Shpejtësi të tilla në kushte të erresirës dhe në rrugë ku shpejtësia maksimale e lejuar është deri në 90 km/h, janë përtej çdo mundësie për të pasur kontrollin e mjetit", thuhet në njoftimin e policisë. 

Pezullohen 13 Leje Drejtimi për drejtim mjeti nën efektin e alkoolit
Gjatë kontrolleve të kryera, policia rrugore ka konstatuar dhe arrestuar drejtues mjetesh që drejtonin mjetin në gjendje të dehur apo pa leje drejtimi.

Konkretisht :

- Në rrugën “Xhorxh Ë Bush” shtetasi me iniciale Sh.R., 57 vjeç, u verifikua se drejtonte motomjetin nën efektin e alkoolit në masën 0.59 mg/l.

- Në rrugën “Ibrahim Rugova” shtetasi me iniciale E.B., 21 vjeç, u verifikua se drejtonte mjetin nën efektin e alkolit në masën 0.56 mg/l.

- Në rrugën “Xhorxh Ë Bush” shtetasja me iniciale I.D., 37 vjeçe, u verifikua se drejtonte mjetin nën efektin e alkoolit në masën 0.52 mg/l.

- Në rrugën “Selim Brahja” shtetasi me iniciale A.T., 20 vjeç u verifikua se drejtonte mjetin i papajisur me leje drejtimi.

Policia Rrugore e Tiranës apelon për respektim të rregullave të qarkullimit rrugor duke kontribuar në rritjen e sigurisë së jetës në rrugë.

  • Sondazhi i ditës:

    Turizmi/A jeni të kënaqur me shërbimet dhe çmimet që gjeni në zonat turistike?

Komento

Komente

  • Katundari: 14/04/2018 13:48

    Eshte e lehte te marresh patenten po ta mbash eshte e veshtire mbasi nuk njeh rregullat e qarkullimit me mire te hiqen patentat se sa te merren njerez ne qafe me aksidente qe kushton jeten

    Përgjigju


×

Lajmi i fundit

John

Më shumë se 100 viktima nga përmbytjet në Indi dhe mijëra të evakuuar