Gomonia me 5 persona në bord lëshon sinjalin SOS në afërsi të Karaburunit, shpëtohen nga policia

Një gomone me emrin “LYPEN 3” në afërsi të Karaburunit,  me 5 persona në bord ka dhënë sinjalin SOS dhe ka kërkuar ndihmë. Ngjarja ka ndodhur rreth orës 14:00. Për tu ardhur në ndihmë këtyre personave drejt gomones u nisë Policia Kufitare me një mjet të shpejtë lundrues të cilët bënë edhe shpëtimin e personave që ishin në bordin e gomonose që pësoi defekt në motor. Të gjithë personat e shpëtuar nuk kanë asnjë lëndim dhe janë nxjerrë në breg shëndoshë e mirë.

" Sot rreth ores 14:00 njoftoi QNOD se ne oren 14:05 nje mjet i vogel lundrues me flamur shqiptar, qe ishte duke lundruar ne gjiun e Vlores me 5 persona ne bord, pesoi difekt ne motorr. U njoftua Policia Kufitare e cila kishte derguar nje mjet te shpejt lundrues per dhenien e ndihmes. Ne oren 14:35 njoftoi QNOD se u gjete mjeti i cili kishte avari me njerzit shendosh e mire dhe ju tha asistenca e kerkuar nga ana e Policise Kufitare per shpetimin e njerzeve duke i shoqeruar per ne portin e Vlores." njoftoi QNOD.

Në lidhje me këtë ngjarje ka reaguar edhe Qendra Ndërinstitucionale Operacionale Detare. Kujtojmë se pak kohë më parë në afërsi të kësaj zone një anije u përfshi nga flakët dhe marinarët në bordin e saj  shpëtuan fatmirësisht duke u hedhur në ujë.

E.L./Shqiptarja.com
Komento