POP 5

Lajmet më të lexuara të 5 minutave të fundit

Sport

Me 8 mungesa, Juventus i 'sakatuar' në supersfidën me Napolin! Allegri: Nuk ka alibi për të mos e fituar ndeshjen

Me 8 mungesa Juventus do të luajë sot supersfidën e javës së tretë të Seria A kundër Napolit. Trajneri i bardhezinjve, që në 2 javë kampionat ka marrë vetëm 1 pikë, thotë se nuk do të ketë asnjë alibi për këtë ndeshje, ndërsa shton se beson te fitorja edhe pse nuk janë favorit.

Seria A rikthehet sot pas pushimeve për shkak të kombëtareve me një supersfidë si Napoli-Juventus ku për herë të parë pas shumë e shumë kohësh të kaltrit janë favoritë. Kjo për arsyen se ‘zonja e vjetër’ vjen në këtë sfidë me të paktën 8 mungesa.

Trajneri Allegri ka vendosur të lërë jashtë të gjithë futbollistët amerikanë latinë, që deri të premten në mëngjes u aktivizuan me kombëtaret e tyre. Ata janë bashkuar shumë vonë me ekipin, ndërsa ka edhe nga ata që vijnë sot në Torino. Numri 1 i pankinës bardhezi thotë se nuk do ishte me vend që të rrezikohen për shkak të lodhjes së tepërt. Lojtarët që do mungojnë janë Dybala, Cuadrado, Bentacur dhe Alex Sandro, ndërsa të dëmtuar janë Arthur, Chiesa dhe Ramsey.

Ajo që e rëndon më shumë situatën është se Juventusi në dy javët e para të Seria A ka marrë vetëm një pikë dhe rreziku për të vazhduar me këtë ritëm përballë një skuadre si Napoli është shumë i madh. Gjithsesi në konferencë për shtyp Allegri ka deklaruar se ‘nuk ka asnjë alibi për të mos e fituar këtë ndeshje’, ndërsa ka shtuar se do të hedhë në fushë ‘skuadrën më të mirë të mundshme’.

Nga ana tjetër Napoli në këtë supersfidë vjen me lajmin e madh për të patur të disponueshëm Victor Osimhen, sulmuesin që u dënua me 2 ndeshje, por që u përgjysmua nga etika. Gjithsesi edhe Spalletti ka jo pak mungesa. Për shkaqe dëmtimesh kundër Juventusit janë të padisponueshëm Demme, Lobotka, Meret, Zielinski dhe Mertens.

Përballje mes Napolit dhe Juventusit është e vlefshme për javën e tretë të Seria A dhe do të luhet në orën 18:00.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Hetimet e SPAK mbi Kadastrën, arrestohen dy persona për ushtrim të ndikimit të paligjshëm (EMRAT)

Hetimet e SPAK mbi Kadastrën, arrestohen dy persona për ushtrim të ndikimit të paligjshëm (EMRAT)

26 Prill, 22:49