POP 5

Lajmet më të lexuara të 5 minutave të fundit

Sport

'Më fund erdhi edhe dita e Partizanit', tifozët e kuq gëzojnë me fitore inaugurimin e stadiumit: Tani të marrim titullin

Me një fitore kundër Bylisit Partizani ka inauguruar stadiumin e ri që ndodhet në kompleksin e ndërtuar në zonën e Tufinës. Për Report Tv tifozët e klubit të kuq thonë se ëndrra është bërë realitet, ndërsa shpresojnë që stadiumi i ri t’ju sjellë fat për fitimin e titullit.

Stadiumi i ri i Partizanit është inauguruar me fitore. Të kuqtë kanë mposhtur 2-1 Bylisin falë ‘dopietës’ së Skukës, duke gëzuar rreth 3 mijë të pranishmëm të cilët shijuan për herë të parë shtëpinë e re.

“Është gjëja më e mirë që ka ndodhur deri më tani. E kërkonim shumë dhe tani na u realizua. Tani presim vetëm fitore,”-u shpreh një tifoz.

“Më në fund do vinte edhe dita e Partizanit që të kishte shtëpinë e saj pas 13 vitesh. Mbaruan këto ec e jaket sa në Elbasan edhe në stadiume të tjera,”-u shpreh një tjetër tifoz.

“Ne tifozët jemi shumë të gëzuar që më në fund gjetëm trojet tona. Për kapacitet që ka klubi i Partizanit është një stadium shumë i mirë,”-tha një tjetër tifoz.

“I takon ky stadium sepse ka kaq vjet rrugë pas rruge. Ku se kam ndjekur Partizanin. Në Gjirokastër katër orë larg …”-deklaroi një tjetër tifoz.

Edhe legjenda e klubit Genc Tomori nuk e fshehu gëzimin që klubi për herë të parë pas shumë vitesh bëhet me shtëpi.

“Është një ndienjë shumë e madhe. Edhe të më thonë ndërroje me një klub Partizanin nuk e bej kurrë. Do shërbejë për brezat. Partizani tani të luftojë për titullin kampion dhe të jetë nga klubet elitare në Shqipëri,”-u shpreh Genc Tomori, drejtor i akademisë Partizani.

Fitorja kundër Bylisit e barazoi Partizanin me pikë të plota me Tiranën kryesuese, por bardheblutë do vijojnë të parët për shkak të ndeshjeve direkte. Më herët, por për javën e 12 të Superligës Teuta u mposht 1-2 në derbi nga Erzeni, duke bërë që durrsakët të zhyten në vendin e fundit.  

Ne.k./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 28 Mars, 18:47

    Fileto pule me salmonelë, sa të sigurta janë produktet që konsumojmë?

Lajme të tjera



×

Lajmi i fundit

‘Nga fshati i gruas!’ Shqiptari s’i shpëton dot arrestimit, edhe pse mori mbiemrin e gruas pas martesës! U rikthye ilegalisht në Itali pas dëbimit

‘Nga fshati i gruas!’ Shqiptari s’i shpëton dot arrestimit, edhe pse mori mbiemrin e gruas pas martesës! U rikthye ilegalisht në Itali pas dëbimit

28 Mars, 21:46