Me himnin shqiptar dhe grek, betohet kryebashkiaku i ri i Dropullit

Në qarkun e Gjirokastrës ka përfunduar konstituuimi i Këshillave Bashkiakë të dalë nga zgjedhjet e 30 qershorit.

Gjatë ditës së sotme është betuar Dhimitraq Toli si dhe është konstituuar Këshilli Bashkiak. Gjatë ceremonisë u luajt himni grek dhe shqiptar, si dhe ishin flamujt e të dy vendeve. Po kështu kryebashkiaku Toli mbajti fjalë në të dy gjuhët.

Të pranishëm gjatë konstituimit ishin deputetët Bledi Çuçi, Mirela Kumbaro dhe Artemis Malo, si dhe zv.ministrja e Brendshme Rovena Voda e prefekti Astrit Aliaj.

Dropulli drejtohej katër vitet e fundit nga një kryebashkiak i PD-së, i cili nuk ishte i pranishëm teksa hyri në zyrë kryetari i ri. Kujtojmë se Dropullit është njësia vendore më e madhe e minoritetit etnik grek në Shqipëri.

Lajmi kryesor:

Betohen nën himnin grek e shqiptar Toli në Dropull e 6 kryebashkiakë të rinj, Basha: Ideatorët e kësaj farse...në burg

TAG:
• Gjirokaster
• librazhd
• cerrik
• Betohen kryebashkiaket e rinj