Me lot në sy, ushtari rus flet për pushtimin në Ukrainë: Kërkoj falje për civilët e fëmijët e vrarë, Putin të urdhërojë përfundimin e luftës

Një grup ushtarësh rusë të kapur rob nga Ukraina janë shfaqur me lot në sy dhe të penduar për vrasjen e civilëve dhe fëmijëve në Ukrainë. Ushtari rus Galkin Sergey Alekseevich shpërtheu në lot në konferencën për shtyp në Interfax Ukraine ndërsa kolegu i tij mbante kokën me duar.

“Unë kërkoj falje për veten time, për skuadrën time në çdo shtëpi në çdo rrugë për çdo qytetar të Ukrainës, për të moshuarit, për gratë, për fëmijët për pushtimin tonë të këtyre tokave.

LEXO EDHE:
Grupi rus Wagner pëson humbje të mëdha në Sahel të Afrikës

Kërkoj ndjesë të rëndë për pushtimin tonë të pabesë. Për gjeneralitetin e njësive tona ushtarake do të doja t’i them një gjë – se ata kanë vepruar frikacakë, se kanë vepruar tradhtisht ndaj nesh”.

34-vjeçari, nga Roschchinsky, vazhdoi t’i lutej Putinit që të “ndalojë dërgimin e ushtarëve” për të vrarë në Ukrainë. I rrethuar nga shokët e tij në të dyja anët me një mikrofon para, ai i kërkoi vendit të tij të dorëzonte armët.

“Unë do të doja t’u thoja të gjitha regjimenteve të ushtrisë ruse – dorëzoni armët. Ndaloni bombardimet, ndaloni dërgimin e ushtarëve për të vrarë civilë e kryer sulme ajrore,” tha Alekseevich.

Lajmi kryesor:

Lufta/ Ndihmat humanitare bllokohen nga bombardimet! Kievi: Bjellorusët janë mbledhur në kufi! Biden mund të vizitojë Europën! FMN: Rrezikohet siguria globale e ushqimit

SI.E./Shqiptarja.com

TAG:
• ukraine
• Rusi
• rusia sulmon ukrainen