Me mjetin me drogë nga Shqipëria drejt Greqisë, kapen në kufi dy grekët

Një sasi prej 200 kg kanabis janë sekuestruar sot në kufirin shqiptaro-grek. Policia ka vënë në pranga dy grekë, të cilët kanë qenë duke transportuar lëndën narkotike me një mjet "Mercedes", të marrë me qira nga E.K.

Mësohet se janë arrestuar grekët e moshës 51 dhe 60-vjeçarë, njëri prej të cilëve drejtonte mjetin e drogës, ndërsa tjetri vepronte me një automjet tjetër si pararojë për të njoftuar nëse kishte postblloqe policore.

Policia ka sekuestruar 200 kg kanabis të papërpunuar, si dhe (69) gramë të kanabisit të përpunuar (çokollata). Lënda narkotike u kap në rrugën provinciale të Filiates-Keramitsas, në Igumenicë, ndërsa dyshohet se dërgesa ishte futur nga Shqipëria. 

LEXO EDHE:
Krujë/ Dronët e policisë e filmuan teksa mbillte kanabis në pyll, arrestohet 39-vjeçari (VIDEO)

Operacion antidrogë i përbashkët mes Policisë së Shtetit dhe Policisë greke
Shkëmbi i informacionit dhe koordimi i veprimeve solli finalizimin me goditjen e një tjetër rasti të trafikut të lëndëve narkotike drejt Greqisë.

Shërbimet e Policisë Kufitare të Livadhjasë, Sarandë gjatë patrullimit në kufirin jeshil, nëpërmjet mjeteve logjistike kanë konstatuar disa persona të cilët po transportonin çanta të dyshuara me lëndë narkotike në drejtim të piramidave P.51 e P.52.

Menjëherë Policia Kufitare e Livadhjasë ka kontaktuar me Policinë e Igumenicës, të cilët janë vënë në lëvizje duke mbajtur në monitorim zonën.

Ndërkohë nga ana e Shërbimeve të Stacionit të Livadhjasë u organizuan shërbime si dhe krehje territori në bashkëpunim edhe me grupin operacional.

Falë shkëmbimit të informacionit dhe koordimit të veprimeve, mëngjesin e sotëm në vendin e quajtur “Dhafni” Filat, Policia e Igumenicës ka kapur 2 shtetas grekë, konkretisht E.K., 50 vjeç banues në Trikalla dhe G.S., 51 vjeç, banues në Athinë, të cilët transportonin me një mjet "Mercedes", të marrë me qira nga shtetasi E.K., rreth 198 kilogramë lëndë narkotike.

Po bashkëpunohet me palën greke për të identifikuar dhe kapur shtetasit shqiptarë që dyshohet se u kanë shitur lëndën narkotike dy shtetasve grekë

TAG:
• kanabis
• kufiri shqiperi-greqi

Sondazhi i ditës:

Tragjedia në Shkodër, a duhet gratë të denoncojnë çdo formë dhune?

• Po

  90.9%

• Jo

  7.1%

• Nuk e di

  1.9%

Vota total: 309

• Sondazhi i ditës:

  Tragjedia në Shkodër, a duhet gratë të denoncojnë çdo formë dhune?

  Po Jo Nuk e di