‘Me një shikim të fiksuar më tha të shkoja’, partneri i 21 vjeçares shqiptare rrëfen momentet e fundit me të para përplasjes së trenave: Thashë se do digjesha i gjallë

Partneri i 21 vjeçares shqiptare, Klaudia Lata e cila vdiq tragjikisht në aksidentin hekurudhor në Larisa të Greqisë ka rrëfyer momente rrënqethëse pak minuta para se të ndodhte përplasja e trenave që i mori jetën të resë.

Ai rrëfeu se sapo ishte ngritur nga vendi ku ishte ulur dhe kishte lëvizur disa hapa larg Klaudias për të kërkuar për një vend, në momentin kur u rrëzua në tokë nga përplasja e trenave.

“I thashë se do të kërkoj vende për 10 minuta. Ajo më shikoi me një vështrim të fiksuar dhe më tha “shko tani”. U habita nga mënyra e saj e të folurit dhe pa u menduar u ngrita. E pashë të më buzëqeshte, i buzëqesha dhe bëra 15 hapa. Më pas ndjeva një zhurmë, rashë disa metra mbrapa në shpinë. As nuk e kuptova se çfarë kishte ndodhur, thjesht ndjeva një masë hekurash që më binin. Fatmirësisht nuk u lëndova. U zgjova nga tymi. Aktualisht kam probleme me frymëmarrjen. Në një moment mbylla sytë dhe thashë se do të digjem i gjallë. Në të njëjtën kohë po mendoja për Klaudian.

Nuk e kuptova se çfarë kishte ndodhur sepse gjithçka ishte e errët. Unë thjesht isha i tronditur. Disa bërtisnin se ishim në një zjarr ”, ka thënë partneri i 21 vjeçares. 

Lajmi kryesor:

Tragjedia me 57 të vdekur në Greqi, lihet në burg shefi i stacionit hekurudhor në Larisa

B.V/Shqiptarja.com

TAG:
• Klaudia Lata