POP 5

Lajmet më të lexuara të 5 minutave të fundit

Sociale

Më pak se 10 persona bashkë! Vëzhgimi i Report Tv, në Tiranë e pamundur, qytetarët ngjeshur në urbanë

Jo më shumë se 10 veta në një ambient të mbyllur apo të hapur nuk vlen kur flasim për transportin urban. Është një nga problemet më shqetësuese në këtë situatë pandemie në Tiranë, por që çuditërisht askush nuk po ndërhyn për ti dhënë një zgjidhje . Nga vëzhgimi i Report Tv shihet se ky vendim i Komitetit Teknik të Ekspertëve nuk do të jetë fort i zbatueshëm.

Vendimi i Komitetit Teknik të Ekspertëve për të mos lejuar grumbullimet me më tepër se 10 persona si në ambiente të mbyllura dhe në ato të hapura duket se nuk do të jetë fort i zbatueshëm. Çdo ditë ne shohim në rrugët e kryeqytetit që transporti publik, një nga pikat kyçe të lëvizjes së qytetarëve është i mbushur plotë ku shpeshherë edhe mbajtja e maskës nuk respektohet nga të gjithë. Edhe në stacionet e urbanëve është e pamundur të mos ketë më tepër se 10 persona.

Që kur urbanët i rifutën në qarkullim më datë 6 korrik, asnjë masë anti-covid nuk është respektuar. Distanca 1 m pasagjeri nga pasagjeri nuk ekziston. Në stacionet kryesore pritja është deri kur autobusi të tejmbushet. Më problematikë paraqiten linjat nga vendndalimi i 9-katesheve.

Edhe gjatë lëvizjes në rrugë është e pamundur të mos krijohen grumbullime. Siç shihet dhe nga pamjet qytetarë duhet të presin që semafori të bëhet jeshil për tu shpërndarë.

Në institucionet, kryesisht nëpër banka, shihen banorët që presin jashtë dyerve sa tu vijë radha për tu futur brenda

Ashtu siç kanë vijuar përgjatë javëve të fundit, baret e kryeqytetit frekuentohen nga shumë qytetarë kryesisht të rinjtë si më neglizhentët ndaj masave anti-covid.

Vendimi i Komitetit Teknik të Ekspertëve do të ndalojë dhe mbledhjet partiake të cilat janë zhvilluar ceremonitë mortore përtej prezencës familjare.

er.k./K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

27 Nëntor, 21:56