VLORË - Në Vlorë, përplasjet mes Këshillit Bashkiak dhe kryetarit të Bashkisë vijojnë. Pasi u mbylli 2 herë derën e teatrit 'Petro Marko' për mbledhje të kërkuara nga këshilltarët me argumentin e masave antiCOVID, këtë herë ka qenë kryebashkiaku Leli që është 'lënë në baltë' nga Këshilli kur këshilltarët bashkiak, kanë anuluar mbledhjen e radhës.
Përmes një postimi në rrjetet sociale, vetë Dritan Leli është shprehur i keqardhur nga ky vendim i kryetares së Këshillit Bashkiak Migena Balla për të anuluar mbledhjen e radhës dhe thotë se kjo dëmton qytetin për veprimet që ai ka bërë.
"Pas radhës së gjatë të kërkesave për mbledhje jashtë radhe, në emër të së mirës së qytetit, sot, këshilltarët bashkiak, kanë anuluar mbledhjen e radhës, atë të çdo muaji, ku vërtet mblidhemi për interesat e qytetit e ku përgjatë më shumë se një viti, kemi diskutuar online, siç ishte parashikuar të ndodhte edhe sot! Më vjen keq që me këngën e kusureve të mia, Këshilli Bashkiak nuk po i përkrah sot fëmijët me probleme sociale të qytetit, që me miratimin e vendimit do të frekuentonin kopshtet dhe çerdhet me të ardhurat e bashkisë, nuk po miraton as ndihmën ekonomike, as listën e familjeve apo individëve që përfitojnë kredi nga të ardhurat e bashkisë dhe as po mbështet projektin e qeverisë shqiptare për rimëkëmbjen e zonës përreth sahatit, që ka nevojë për angazhimin e të gjithëve, prandaj edhe do të përfshihej sot me urgjencë, për të mos ecur me ritmin e mbajtjes së radhëve!
Të nderuar këshilltar, e pranoj haraçin e veprimeve tuaja deri në masën që më prek mua, por jo qytetin! Vlora sapo ka nisur sezonin turistik, pas muajsh të gjatë e të vështirë lufte me shëndetin! Turistët po gëzojnë lirinë dhe bukurinë e një qyteti që nuk mund dhe nuk duhet të shëmtohet prej gjyqeve teatrale! Vlora duhet promovuar, jo sakatuar! Të gjithë mund të bëjmë më shumë, mund të bëjmë më mirë, pa shterpëzuar një energji të tërë që mund ta shfrytëzonim në dobi të Vlorës! Po e marrë unë barrën e ndjesës, ndaj të gjithë banorëve të Vlorës që po penalizohen a qoftë edhe vetëm bezdisen, nga radhët tona të ngatërruara që po iu rëndojnë, por e di që deti dhe dielli i Vlorës do ta bëjnë këtë verë të ndritshme, siç kaq gjatë e dëshiruam", shkruan Leli.
Por sot përplasja mes Këshillit Bashkiak dhe kryebashkiakut të Vlorës Dritan Leli është bërë edhe për datën e mbledhjes dhe jo vetëm për vendin. Këshilli ka vendosur për mbledhjen e radhës të bëhet më 30 qershor në mjediset e teatrit Petro Marko ndërsa Dritan Leli propozon që të mblidhen më 29 qershor në aplikacionin Zoom.
Dritan Leli nuk ka marrë pjesë në mbledhjet e kaluara të Këshillit Bashkiak të Vlorës në sallën e teatrit “Petro Marko” me argumentin se po respekton masat anti-COVID, edhe pse Ministria e Shëndetësisë 2 ditë më parë ka dhënë 'OK' që të mbahen mbledhje fizikisht. Zv. ministrja Mira Rakacolli e dha këtë përgjigje pasi Sekretari i Këshillit Agron Gjipali ka kërkuar një konfirmim mbi ligjshmërinë e realizimit të mbledhjes fizike në sallën e teatrit
“Krisjet” në marrëdhënien mes socialistëve dhe Dritan Lelit nisën para zgjedhjeve, e konfirmuar edhe nga kreu i qeverisë, Edi Rama i cili pohoi se i kishte bërë ftesën Lelit për deputet, por se ky i fundit nuk e kishte pranuar, e megjithatë, shtoi se “me apo pa të, objektivi do të arrihet” dhe ashtu ndodhi. Në Vlorë, PS-ja mori 8 mandate, që ishte dhe objektivi maksimal, kjo e reflektuar edhe në përpilimin e listës së kandidatëve për deputet, ku Rama renditej i 8-ti.
Përplasja mes Këshillit Bashkiak dhe kryebashkiakut të Vlorës Dritan Leli vijon. Së fundmi Këshilli Bashkiak i Vlorës ka vendosur që mbledhja e radhës të bëhet më 30 qershor në mjediset e teatrit Petro Marko. Por tjetër mendim ka Dritan Leli. Ai ka propozuar që mbledhja për rendin e ditës, të mbahet më 29 qershor në aplikacionin Zoom.
“Pas anulimit të pajustifikuar të mbledhjes së sotshme nga anëtarët e Këshillit Bashkiak, në emër të qytetarëve të Vlorës, e ndiej për detyrë të thërras mbledhjen e muajit në datën 29 qershor për të miratuar projektvendimet dhe ndihmat që banorët presin prej Bashkisë Vlorë dhe vazhdimësinë e projekteve të tjera”, shkruan Leli.
Komente
Lajme të tjera
-
Fusha e mbetjeve në Vlorë 2 ditë në flakë, tymi mbulon zonën! Banori për Report Tv: Problem i madh, bllokohemi me erën e mbeturinave (VIDEO)
23 Nëntor, 08:29 -
Vlorë/Sërish zjarr në fushën e mbetjeve! Zjarrfikësit në 'luftë' me flakët (VIDEO)
22 Nëntor, 18:31 -
Aksident në fshatin Lapardha të Vlorës! Shoferi humb kontrollin e mjetit dhe del nga rruga
22 Nëntor, 16:46 -
Moti i keq përfshin Vlorën, mbetet i pezulluar lundrimi në det! Ndërprerje energjie në disa zona
22 Nëntor, 12:44 -
Stuhi në gjithë vendin/ Mijëra banorë pa drita! Anulohen lundrimet Durrës-Bari! Mbyllet spitali i Pukës, uji hyn në pavijone! Dukagjini në izolim (VIDEO)
22 Nëntor, 10:11 -
Vlorë/ 30- vjeçari ra nga kati i 3 i pallatit në ndërtim, arrestohet sipërmarrësi i punimeve të pllakave, nën hetim një tjetër! Mungonin kushtet teknike për sigurimin e jetës
21 Nëntor, 09:43
-
Vlorë/ FNSH 'pritë' tek rrethrrotullimi i Skelës, ndalon makinat e luksit e me xhama të zinj! Kontrolle për persona të kërkuar apo me armë (VIDEO)
20 Nëntor, 20:57
-
Po transportonte 5 emigrantë të paligjshëm, arrestohet në flagrancë 24-vjeçari në Vlorë
20 Nëntor, 14:00 -
Vlorë/ Bie nga kati i 3 i pallatit në ndërtim, 30 -vjeçari niset drejt Tiranës! Në gjendje të rëndë shëndetësore
20 Nëntor, 12:39 -
Vlorë/ Efektivi i policisë jashtë shërbimit aksidenton me ‘Benz’ këmbësorin e moshuar! 79-vjeçari nën kujdesin e mjekëve, edhe AMP nis hetimet
19 Nëntor, 18:27 -
Vlorë/ Përkeqësimi i kushteve meteorologjike, stuhi dhe dallgë deri në dy metra! Ndalohet lundrimi i varkave e peshkarexhave për 4 ditë! Ja kur rinis, tragetet dhe anijet e mëdha do vijojnë
19 Nëntor, 16:55 -
Vlorë/ Aksident në rrugën Transballkanike, automjeti 'Benz' përplas motorin, plagosen drejtuesi dhe pasagjeri (VIDEO)
19 Nëntor, 15:24
Nuk arijme te kuptojme veprimin e Ketij Kryetari .pasi keshilli vendos daten 30 ky thote si them une ne 29 . Ose eshte i semure mendor se nje njeri normal nuk mund ti beje .veprimet e tij prej deliranti ,fodulli nuk mund te durohen Vlora ka nevoje per qetesi e ky ne vend qe te jap llogari per pisllekun te shoh neper lagje se vlora nuk eshte vetem Lungomare pa llogaritur fshatrat kazanet qe nuk shihen me sy .gropat e hapura neper rruge barin qe arin sa njeriu ne kembe ujrat qe kane plasur rrugeve .etj.etj se poroblemet ne vlore nuk kane te sosur justifikohet pas ekraneve . Boll se je turpi i vlores e nje dite do japesh llogari qofte dhe per lejet e ndertimit qe Ti e di mire si po i jep.Vendi yt dihet
Përgjigju