POP 5

Lajmet më të lexuara të 5 minutave të fundit

Kronikë

Me shpejtësi deri në 186 km/h, policia gjobit 4.981 shoferë gjatë fundjavës, pezullon 186 patenta dhe arreston 43 shoferë

Si rezultat i kontrolleve të policisë rrugore, gjatë fundjavës në të gjithë vendin janë arrestuar në flagrancë 43 drejtues pasi u konstatuan duke thyer rregullat e qarkullimit rrugor. Ndërkaq janë arrestuar 43 shoferë dhe janë gjobitur 4.981 drejtues mjetesh.

Si rezultat i kontrolleve të policisë rrugore, gjatë fundjavës në të gjithë vendin janë arrestuar në flagrancë 43 drejtues pasi u konstatuan duke thyer rregullat e qarkullimit rrugor. Përkatësisht, 17 prej tyre po drejtonin mjetet pa patentë, ndërsa 26 të tjerë ishin duke drejtuar makinën në gjendje të dehur.

Bëhet me dije se 125 patenta janë pezulluar pasi drejtuesit janë kapur me shpejtësi deri në 186 km/h në Bypass e Fierit dhe me mbi 185 km/h në aksin rrugor Sauk-TEG. Ndërsa, 55 shoferëve iu janë pezulluar patentat pasi kanë drejtuar mjetin në gjendje të dehur dhe 5 të tjera pasi shoferët kanë lëvizur në sens të kundërt.

Ndërkaq, për vetëm 2 ditë janë gjobitur 4.981 drejtues mjetesh në të gjithë vendin.

Nga telefonatat e qytetarëve është bërë e mundur parandalimi i 3 ngjarjeve që kanë vënë në rrezik jetën e kalimtarëve. Policia njofton se bëhet fjalë për një motomjet që udhëtonte në Unazën e Madhe duke kryer parakalime të rrezikshme. Drejtuesi I.B. po drejtonte motomjetin në gjendje të dehur dhe është bërë arrestimi i tij në flagrancë. Teksa i janë hequr edhe tre pikë nga leja e drejtimit dhe është gjobitur me 25 mijë lekë.

Në një denoncim tjetër të bërë nga qytetarët mësohet se shoferi i një mjeti tip 'Suzuki', tek semafori i Komunës së Parisit  po kryente veprime agresive në timon duke tentuar të dëmtonte veten. Policia ka bërë të mundur neutralizimin e shtetasit të identifikuar si E.A. dhe ka konstatuar se ai ishte nën efektin e drogave të forta. Shtetasi E.A. është vënë nën hetim, është gjobitur me 10 mijë lekë dhe i janë zbritur 8 pikë nga leja e drejtimit.

Ndërsa në denoncimin e tretë bëhet fjalë për një automjet tip 'Benz' që po qarkullonte me shpejtësi dhe kryente manovra të rrezikshme në aksin rrugor Lezhë -Milot. Pas kryerjes së alkooltestit nga forcat policore është konstatuar se shtetasi Z.G., po drejtonte mjetin në gjendje të dehur në masën 1.13 mg/l. Shoferit i është pezulluar patenta për 18 muaj, i janë zbritur 3 pikë nag leja e drejtimit si dhe ëshëtndëshkuar me masë administrative 32 mijë lekë.

SI.E./LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Qeveria jep OK për ndërtimin e termocentralit në Roskovec! Firma do i japë falas shtetit 2% të sasisë vjetore të prodhimit të energjisë elektrike

Qeveria jep OK për ndërtimin e termocentralit në Roskovec! Firma do i japë falas shtetit 2% të sasisë vjetore të prodhimit të energjisë elektrike

18 Dhjetor, 18:22