POP 5

Lajmet më të lexuara të 5 minutave të fundit

Kronikë

Me shpejtësi deri në 218 km/h në Rrugën e Kombit, policia pezullon 78 patenta, gjobiten 369 shoferë

Policia Rrugore ka ndëshkuar shoferët “e pabindur” ndaj rregullave të qarkullimit në Rrugën e Kombit dhe në aksin rrugor Milot-Rubik, duke i pezulluar patentat 78 prej tyre

Policia Rrugore ka ndëshkuar shoferët “e pabindur” ndaj rregullave të qarkullimit në Rrugën e Kombit dhe në aksin rrugor Milot-Rubik, duke i pezulluar patentat 78 prej tyre.

Policia njofton se makina inteligjente dhe radarët automatikë në Rrugën e Kombit kanë konstatuar mjete që lëviznin me shpejtësi deri 218 km/h, ku shpejtësia maksimale e lëvizjes në këtë aks është 100 km/h.

Ndërsa në aksin Milot-Rubik e anasjelltas, janë konstatuar automjete duke lëvizur me shpejtësi nga 118 km/h deri në 164 km/h, në një aks pa ndriçim, në të cilin po kryhen edhe punime.

Për pasojë janë pezulluar 78 leje drejtimi, 369 shoferë janë gjobitur me 4000 deri në 10.000 lekë për tejkalim të shpejtësisë së lejuar dhe 16 janë gjobitur me 10 mijë lekë për parakalime të gabuara.

Gjatë ditës së sotme, makina inteligjente është zhvendosur në një tjetër qark të vendit. Policia i bën apel shoferëve që të zbatojnë rregullat e qarkullimit rrugor, për të shmangur aksidentet.

M.Q./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    'Rasti Qefalia', a fshihen gjobat pas akuzave të Këlliçit, Nokës, opozitës?

Lajme të tjera



×

Lajmi i fundit

Këshilli Bashkiak miraton projektin e ri “Ecole 24”: Kurse falas në teknologji për të rinjtë

Këshilli Bashkiak miraton projektin e ri “Ecole 24”: Kurse falas në teknologji për të rinjtë

22 Korrik, 23:02