POP 5

Lajmet më të lexuara të 5 minutave të fundit

Kosova & Rajoni

'Me taksë, s’ka bisedime'/ Daçiç: U diskutua edhe në OKB, nuk është kusht por logjikë

Ministri i Jashtëm Ivica Daçiç ka deklaruar se Serbia nuk do ta vazhdojë dialogun për marrëveshjen me Kosovën, pa heqjen e taksës për mallrat nga Prishtina zyrtare. Deklaratat ai i bëri gjatë një interviste në televizionin shtetëror, ku tha se kjo gjë është diskutuar edhe në OKB, dhe nuk është kusht por një gjë e logjikshme.

Edhe pse bisedimet mes Serbisë dhe Kosovës kanë pasur luhatje të herëpashershme, taksa 100% që Prishtina zyrtare ka vendosur për çdo lloj produkti serb të importuar, e ka tensionuar së tepërmi klimen diplomatike mes dy vendeve. Diskutimi i kësaj çështjeje edhe në mbledhjen e fundit të OKB-së, ka entuziasmuar së tepërmi, ministrin e Jashtëm Serb, Ivica Daçiç. Një gjë e tillë, tha ai në një intervistë për televizionin shtetëror serb, do të ndodhë edhe në dy vitet e ardhshme.

Kosova do të jetë temë diskutimi në OKB, për dy vitet e ardhshme. Në diskutimet që u bënë në mbledhjen e fundit, të gjithë ishin njëzëri kundër taksës dhe formimit të Ushtrisë. Për Vlora Çitakun ishte surprizë e madhe, por ajo i dëgjoi mirë përfaqësuesit e SHBA-ve, të cilët kërkuan  heqjen e menjëhershme të taksës.

I prerë në qëndrimin e tij, Ivica Daçiç bëri një deklaratë të fortë kur tha se Serbia nuk e vazhdon dialogun pa heqjen e taksës. Presionet janë duke vazhduar dhe do të rriten, sepse Kosova nuk ka më çfarë të bëjë dhe nuk do të ketë rrugë tjetër. Serbia nuk do ta vazhdojë bisedimet pa pezullimin përfundimtar të taksës. Kjo është logjikë, nuk është kusht. Pavarësisht këtyre deklaratave, Prishtina zyrtare është shprehur e vendosur për mos heqjen e taksës deri në njohjen e Kosovës nga Serbia, si shtet sovran dhe i pavarur.

//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • azgani: 23/02/2019 23:24

    tani kush k.je ti e ke humbur kryet tane more selak se kosova kurr ska qen e shkive..

    Përgjigju
  • max: 13/02/2019 11:58

    kur nuk e njef si shtet.pse kerkon te besh tregeti.apo po humb shume miliona euro.

    Përgjigju
  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Hetimi pasuror, kryebashkiaku i Tiranës, Erion Veliaj paraqitet në SPAK

Hetimi pasuror, kryebashkiaku i Tiranës, Erion Veliaj paraqitet në SPAK

26 Dhjetor, 09:19