POP 5

Lajmet më të lexuara të 5 minutave të fundit

Kronikë

Zbërthimi i Sky ECC, arrestohet me urdhër të SPAK kryeprokurori i Vlorës, Aurel Zarka, 2 avokatë dhe ish-oficerja (EMRAT)

Me urdhër të SPAK është arrestuar kryeprokurori i Vlorës, Aurel Zarka. Në pranga kanë rënë edhe dy avokatë, si edhe një ish-oficere e Policisë Gjyqësore, aktualisht studente e magjistraturës. Operacioni pas zbërthimit të bisedave Sky-Ecc. 

VLORË- Me urdhër të SPAK, është arrestuar kryeprokurori i Vlorës, Aurel Zarka. Burime për Report Tv dhe Shqiptarja.com bëjnë me dije se në pranga kanë rënë edhe dy avokatë, Radovan Çela dhe Astrit Vladi. Ndërkohë, po me urdhër të SPAK është arrestuar edhe ish-Oficerja e Policisë Gjyqësore, Eriona Dautaj, aktualisht studente e magjistraturës.

Burime për Shqiptarja.com bëjnë me dije se agjentët e KH kanë zbarkuar disa herë në ambientet e Prokurorisë së Vlorës gjatë këtij muaji dhe kanë marrë edhe disa dosje. Ndërkohë, ndërhyrja për arrestimin e Zarkës është bërë mëngjesin e sotëm, 29 korrik, nga agjentët e BKH-së. Këta të fundit i kanë zbarkuar në banesë kryeprokurorit të Vlorës duke i vënë prangat. Ndaj Zarkës rëndon akuza për veprën penale "Ushtrim ndikimi të paligjshëm ndaj personave që ushtrojnë funksione publike".

Ky operacion i SPAK është zhvilluar pas zbërthimit të Sky ECC, bëjnë me dije burime për Shqiptarja.com. Nuk dihet ende se për çfarë janë arrestuar, ndërsa SPAK ende nuk ka dalë me një deklaratë për mediat. Prokurori që po e heton çështjen është Klodian Braho, ndërsa urdhër arrestet janë firmosur nga gjyqtari Ejon Bani.

Drejtuesi i Prokurorisë së Vlorës, Aurel Zarka u konfirmua në detyrë në qershor 2024 nga Komisioni i Pavarur i Kualifikimit, KPK. Aurel Zarka e ka filluar karrierën e tij në sistemin e drejtësisë si oficer i Policisë Gjyqësore në vitin 2004 pranë ish-Prokurorisë së Krimeve të Rënda. Ai u emërua prokuror në vitin 2012 dhe prej asaj kohe e ushtron funksionin në Prokurorinë e Rrethit të Vlorës, ku së fundmi mban funksionin e drejtuesit.

EMRAT e të arrestuarve
1- Aurel Zarka, Drejtues i Prokurorisë Vlorë.
2- Eriona Dautaj, magjistrate në Shkollën e Magjstraturës, ish-oficere e Policisë Gjyqësore ne Prokurorinë e Krimeve të Rëda dhe Hetuese në BKH.
3- Astrit Vladi, avokat
4- Radovan Cela, avokat në Fier

Lajm ne përditësim...

 

1722244644_page.jpg

 

Avokati Radovan Çela dhe Kryeprokurori i Vlorës, Aurel Zarka

Rendit zhvillimet sipas orarit:
Ora 10:11
Një muaj më parë KPK e konfirmoi në detyrë, kush është kryeprokurori i Vlorës që u kap nga SPAK

1722236483_aurelzarka.png

Kryeprokurori i Vlorës, Aurel Zarka u arrestua sot me urdhër të SPAK, ndërsa ndaj tij rëndon akuza për veprën penale "Ushtrim ndikimi të paligjshëm ndaj personave që ushtrojnë funksione publike".

Drejtuesi i Prokurorisë së Vlorës, Aurel Zarka u konfirmua në detyrë nga KPK vetëm një muaj më parë, më 28 qershor 2024.

Zarka pati një seancë të shkurtër dëgjimore një ditë më herët,  gjatë së cilës dha shpjegime të përmbledhura për dy gjetje në kriterin e pasurisë. Për pastërtinë e figurës dhe profesionalizmin Zarka u vlerësua pozitivisht. Po ashtu, nuk u evidentuan probleme dhe për katër denoncime të dorëzuara në KPK nga publiku.

Procesi i vetingut për prokurorin Zarka u krye nga trupa e KPK e kryesuar nga Suela Zhegu, me relator Roland Ilian dhe anëtare Genta Tafa Bungon. Në cilësinë e vëzhgueses ndërkombëtare ishte e pranishme Marie Tuma.

Aurel Zarka e ka filluar karrierën e tij në sistemin e drejtësisë si oficer i Policisë Gjyqësore në vitin 2004 pranë ish-Prokurorisë së Krimeve të Rënda.

Ai u emërua prokuror në vitin 2012 dhe prej asaj kohe e ushtron funksionin në Prokurorinë e Rrethit të Vlorës, ku së fundmi mban funksionin e drejtuesit.

Zarka e ka filluar karrierën e tij në sistemin e drejtësisë si oficer i Policisë Gjyqësore në vitin 2004 pranë ish-Prokurorisë së Krimeve të Rënda.

Ai u emërua prokuror në vitin 2012 dhe prej asaj kohe e ushtron funksionin në Prokurorinë e Rrethit të Vlorës, ku së fundmi mban funksionin e drejtuesit.

SI.E./Shqiptarja.com

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • pastrimi: 29/07/2024 09:42

    plehre dhe bandit. nje wwc me pak. bravo edi rama. ka ber thagma

    Përgjigju
  • xxx: 29/07/2024 09:39

    Po kjo Magjistratia , hetuesja e BKH . hajde filtra hajde . Megjithate vetepastrimi eshte shuyme i endesishem , meriton nje BRAVO

    Përgjigju
  • Rolandi: 29/07/2024 09:38

    Bejini te fala atij elefantit te korrupsionit Roland Ilise dhe i thoni suksese ne jete . Eshte bere me i gjere se i gjate nga dhjami i korrupsionit.

    Përgjigju
  • LORA: 29/07/2024 09:28

    Lajm i mire.

    Përgjigju
  • kokuqi: 29/07/2024 09:07

    Bravo Spakut si ky prekuror qe ri me vrases e pengmares dhe u mbylle ceshtjet vazhdoni keni mbeshtetjen e popullit bravo Spak

    Përgjigju
  • Sondazhi i ditës:

    Kabineti i ri qeveritar, jeni dakord me ndryshimet e bëra nga Rama?

Lajme të tjera



×

Lajmi i fundit

Tiranë/ Ndezi zjarr për të djegur mbeturinat, rrezikon të digjen 5 banesa

Tiranë/ Ndezi zjarr për të djegur mbeturinat, rrezikon të digjen 5 banesa

29 Korrik, 11:14