‘Më vjen keq që ai s’ka qenë i pari për mua’, Adelina Tahiri rrëfehet ndryshe për partnerin: Burri më ka rritur

Këngëtarja Adelina Tahiri prej disa kohësh tashmë gëzon një martesë me avokatin maqedonas, Serjiza Markov, me të cilin ka dhe një djalë.

Që në momentin kur bëri publike marrëdhënien e saj, Adelina është komentuar shpesh negativisht nga ndjekësit në rrjetet sociale, lidhur kjo me diferencën e moshës që ka ajo me partnerin e saj. Së fundmi ajo ka folur për partnerin gjatë një interviste televizive pak më ndryshe se herët e tjera.

“Kemi marrëdhënie shumë të mirë. Unë kam shumë vite që jam me të. Në shtator kemi bërë 9 vjet lidhje dhe më njeh që kur kam qenë 19 vjeҫe. Kam një jetë, më rriti burri”- tregoi Adelina.

LEXO EDHE:
Depresion pas lindjes, Adelina Tahiri: Ndoshta tingëlloj egoiste, por nuk isha e lumtur

E pyetur nëse do ta kishte zgjedhur sërish në një tjetër jetë ajo tha: “Unë jam një femër që si të gjithë femrat kemi një të kaluar në jetë, dhe nuk më vjen turp për jetën, të kaluarën time apo ndonjë partner që kam pasur, por më vjen shumë keq që ai nuk ka qenë i pari për mua që kur kam lindur. Po të lindja sërish, prapë atë do të zgjidhja”- shpreh Adelina. 

Teksa rrëfeu se si e pritën familja e saj lidhjen me partnerin, këngëtarja u shpreh:

“Babai im është i njohur në Maqedoni dhe nuk është se nuk kishte dëgjuar diҫka. Po nuk ishte moment që t’ia thosha dhe nuk kisha forcën pasi jam vajza e parë në familje dhe kam qenë si djali i babit, jo vajza e babit. Kemi qenë me pushime në Bodrum dhe vendosa t’ia thosha. Kurrë nuk kam për ta harruar atë moment. Ja thashë të gjitha, që jam me një person që nuk ka të bëjë me fenë, nacionalitetin, moshën time, dhe kurrë nuk do ta harroj fytyrën e tij, prandaj janë prindërit. Mu kthye, asnjë fjalë nuk më tha, i dolën lotët dhe më tha: Prindërit dhe fatin nuk e zgjedh kurrë ti, janë punët e zotit. Kështu që unë të përkrah deri në fund. Më tha se do të jem me ty, të kam rritur, të kam edukuar dhe i besoj vendimeve të tua. Tani e do atë më shumë se mua.- vijoi ajo. 

G.MO/SI.E./Shqiptarja.com

TAG:
• Adelina Tahiri