POP 5

Lajmet më të lexuara të 5 minutave të fundit

Bota

Media britanike: Vëllezërit shqiptarë që organizuan protestën në Londër ishin të dënuar! Gënjyen se ikën nga lufta në Kosovë, u dënuan për trafikim njerëzish

Dy vëllezër shqiptarë që organizuan një protestë dhe vunë flamurin e Shqipërisë mbi statujën e Winston Churchill kanë gënjyer për të përfituar azil në Mbretërinë e Bashkuar. Media britanike “Daily Mail” i ka dedikuar një artikull vëllezërve Taulant dhe Enkeleid Omi, për të cilët thotë se përdorën identitete të rreme për të hyrë në Britani.

 
Media britanike: Vëllezërit shqiptarë që organizuan protestën në Londër ishin të dënuar! Gënjyen se ikën nga lufta në Kosovë, u dënuan për trafikim njerëzish

Foto nga protesta e mbajtur në nëntor 2022, Londër

Dy vëllezër shqiptarë që organizuan një protestë dhe vunë flamurin e Shqipërisë mbi statujën e Winston Churchill kanë gënjyer për të përfituar azil në Mbretërinë e Bashkuar. Media britanike “Daily Mail” i ka dedikuar një artikull vëllezërve Taulant dhe Enkeleid Omi, për të cilët thotë se përdorën identitete të rreme për të hyrë në Britani.

“Ata thanë se po iknin nga lufta e vitit 1998 në Kosovë, në vend që të tregonin se vinin nga Shqipëria paqësore. Të dy drejtuan protestën në nëntor në Ëestminster, ku rreth 1500 bashkatdhetarë të tyre deklaruan se nuk ishin kriminelë”, shkruan ‘Daily Mail’ duke shtuar se vëllezërit kanë qenë kontrabandistë të dënuar.

Në një letër që i dërguan Taulantit muajin e kaluar, ekipi i Home Office i ofronte që të shkonte të korrigjonte të dhënat duke përdorur emrin e tij të vërtetë.

“Por si kundërpërgjigje, ai u tall me Qeverinë, duke u mburrur në rrjetet sociale se ka marrë 'bileta falas' për në Mbretërinë e Bashkuar dhe Home Office 'më ka bërë një nder'.

Nacionalisti shqiptar, 46 vjeç, u shfaq gjithashtu në një kanal televiziv për t'u mburrur dhe ofroi ndihmë për shqiptarët e tjerë që gjithashtu hynë ilegalisht në Britani”, shkruan media britanike.

Kërkesa e parë e Taulantit për azil u refuzua, por ai fitoi një apel në vitin 2006 dhe më vonë mori nënshtetësinë britanike. Në maj 2013, vëllezërit dhe një bashkëpunëtor tjetër u kapën nga oficerët e Forcave Kufitare në përpjekje për të kontrabanduar dikë në Britani ilegalisht.

Ata u shpallën fajtorë në shtator 2015 dhe u dënuan të dy me 12 muaj burg dhe u urdhëruan të kryenin 200 orë shërbim në komunitet.

Kujtojmë se 2 vëllezërit folën për Report Tv më 12 nëntor 2022 kur u mbajt protesta e madhe në Londër për t’i treguar qeverisë britanike se shqiptarët s’janë kriminelë. Ata thanë se deklaratat e sekretares së Brendshme Suella Braverman kishte shkaktuar konflikte edhe në vendet e punës ndërsa shtonin se ndiheshin të sulmuar nga të gjitha anët.   

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Spahiu: Vota e emigrantëve rrezikon të devijohet nga 11 Marsi kur të publikohen emrat e regjistruar

Spahiu: Vota e emigrantëve rrezikon të devijohet nga 11 Marsi kur të publikohen emrat e regjistruar

27 Janar, 23:00