POP 5

Lajmet më të lexuara të 5 minutave të fundit

Media

Media, Bushati: Do të depolitizojmë
AMA-n, jo më favore me reklamat

Ministri i Jashtëm Ditmir Bushati ka deklaruar sot se lidhur me lirinë e medias, Qeveria  do t'i japë përparësi reformimit të RTSH-së, depolitizimit të AMA-s dhe shpërndarjes klienteliste të reklamave qeveritare.
OSBE: Dekriminalizoni shpifjen, të reformohet TVSH-ja
Mijatovic - Metës: Vlerësojmë politikën e dyerve të hapura
Media, Bushati: Do të depolitizojmë<br />AMA-n, jo më favore me reklamat
TIRANË -  Ministri i Jashtëm Ditmir Bushati u ka deklaruar sot përfaqësuesve të OSBE-së se  Qeveria shqiptare do të angazhohet për lirinë e medias në vend, duke i dhënë përparësi reformimit të Radio Televizionit Shqiptar; çlirimit të AMA-s nga kontrolli politik; kalimit nga transmetimet analoge në dixhitale e veçanërisht, dhënies fund të shpërndarjes klienteliste të reklamave qeveritare.

I ftuar në konferencën e organizuar nga OSBE-ja për mediat në Evropën Juglindore, Bushati ka prezantuar pikat e programit të Qeverisë të lidhura me median.

Ai theksoi se "e dimë nga eksperienca e brishtë me shtet-ndërtimin, se sado i mirë të jetë ligji, ai nuk mjafton nëse nuk zbatohet. Prandaj edhe përparësi merr reformimi i RTSH-së, duke e kthyer atë në një përfaqësues të denjë të taksapaguesit shqiptar dhe në zëdhënës të interesit qytetar."

Me prioritet, Bushati ka renditur më pas domosdoshmërinë "për të ҫliruar Autoritetin e Medias Audiovizive (AMA) nga kontrolli politik, në favor të performancës profesionale, me qëllim që t'u ofrojmë të gjithë transmetuesve vendorë e kombëtarë trajtim të njëjtë para ligjit.

Ne jemi të vetëdijshëm që koha nuk pret më në procesin e kalimit nga procesi analog në dixhital. Me afrimin e vitit 2015 duhet përshpejtuar procesi i dixhitalizimit mbi bazën e përvojave dhe mësimeve të nxjerra nga fqinjët tanë."

Ministri Bushati ka theksuar në fjalën e tij se Përfaqësuesja për Lirinë e Medias, znj.Mijatovic, "me të drejtë ka vënë në dukje ҫështjen serioze të shpërndarjes preferenciale të reklamave qeveritare, që cënon konkurrencën e ndershme dhe lirinë e tregut mediatik.

Ne kemi ndarë katërcipërisht këtë pikëpamje si përfaqësues të opozitës së djeshme. Sot jemi te angazhuar per ta zgjidhur këtë problem duke i dhënë fund praktikave klienteliste e  duke instaluar praktika të bazuara në kritere të qarta dhe procedura transparente ne perputhje me standardet europiane,"-theksoi ministri.

Redaksia online
(shqiptarja.com)

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Media spanjolle ‘El Periódico’: Vizitoni Shqipërinë për Krishtlindje, një perlë me peizazhe spektakolare dhe qytete historike

Media spanjolle ‘El Periódico’: Vizitoni Shqipërinë për Krishtlindje, një perlë me peizazhe spektakolare dhe qytete historike

25 Nëntor, 07:37