POP 5

Lajmet më të lexuara të 5 minutave të fundit

Politikë

Media greke: Athina po bllokon paktin e mbrojtjes BE-Tiranë, zgjedh Shkupin! Italia krah Shqipërisë e kundërshton

Greqia kundërshtoi kur ishte çështja e Shqipërisë, duke këmbëngulur se si  vend që dëshiron të anëtarësohet në BE, duhet të jetë në përputhje me rregullat e ligjet evropiane. Në këtë sfond, grekët propozuan Maqedoninë e Veriut, shkruan Ekathimerini.

Media greke: Athina po bllokon paktin e mbrojtjes BE-Tiranë, zgjedh Shkupin! Italia krah Shqipërisë e kundërshton

Athina po bllokon një Marrëveshjeje të Mbrojtjes së Sigurisë mes BE-së e Shqipërisë, për shkak të qëndrimi të qeverisë shqiptare për sa i përket burgosjes së kryebashkiakut të Himarës, Fredi Beleri, shkruan Ekathimerini sot 18 janar 2024.

BE-ja është në proces të përshpejtimit të procedurave për nënshkrimin e marrëveshjeve me vendet e treta jashtë Bashkimit, me synimin për një bashkëpunim më të mirë në mbrojtje.

Pak ditë më parë u mbajt në Bruksel një takim në nivel teknik, qëllimi kryesor i të cilit ishte lidhja e një sërë marrëveshjesh të mbrojtjes dhe sigurisë me vendet brenda dhe jashtë Evropës, përkatësisht Kanadanë, Japoninë, Ganën, Moldavinë, Norvegjinë dhe Korenë e Jugut.

Greqia kundërshtoi kur ishte çështja e Shqipërisë, duke këmbëngulur se si  vend që dëshiron të anëtarësohet në BE, duhet të jetë në përputhje me rregullat e ligjet evropiane.

Në këtë sfond, grekët propozuan Maqedoninë e Veriut si vendin më të përshtatshëm për të lidhur një marrëveshje të mbrojtjes dhe sigurisë me BE-në, pasi ajo ka treguar një paraqitje më të mirë në fushën e sundimit të ligjit, ndërsa standardizimi i forcave të armatosura të vendit në fjalë ka ecur me ritëm jashtëzakonisht të shpejtë.

Propozimi grek nuk u pranua, por as çështja e Shqipërisë nuk eci përpara, pavarësisht mbështetjes shumë të fortë nga italianët, të cilët janë edhe partneri më i afërt i Tiranës në BE.

Lidhur me çështjen Beleri, autoritetet greke janë duke pritur për të parë deri më 25 janar, kur pritet të rinisë gjyqi i kryebashkiakut të zgjedhur të Himarës.

Në prapaskenë, megjithatë, kontaktet vazhdojnë, gjithmonë me kusht që Beleri të betohet në detyrë.

Beleri u arrestua në maj të vitit të shkuar me akuza për blerje votash në prag të zgjedhjeve lokale, të cilat i fitoi. 

Shkrimi nga Vassilis Nedos

S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03