Media pro-Kremlinit: Moska pranon humbjen e 20,000 ushtarëve rusë! 116 vdiqën në anijen 'Moskva'! Lajmi fshihet menjëherë

Faqja e lajmeve pro-Kremlinit Readovka postoi njoftimin, të bërë nga Ministria e Mbrojtjes së Moskës, se 13,414 ushtarë rusë u vranë dhe 7,000 të tjerë u zhdukën në Ukrainë: informacion që pas një kohe të shkurtër u fshi dhe u hoq nga interneti. Kështu shkruan faqja opozitare bjelloruse Nexta.tv. Nexta publikon një pamje të postimit (të supozuar) të Readovka-s me një foto të zëdhënësit të mbrojtjes ruse Igor Koneshenkov.

‘Në një konferencë të mbyllur, Ministria ruse e Mbrojtjes njoftoi të dhëna për humbjet gjatë një operacioni special në territorin e Ukrainës. Humbjet e pakthyeshme nga pala ruse arrijnë në 13.414 ushtarë. Rreth 7000 persona të tjerë konsiderohen të zhdukur. Po ashtu u njoftuan edhe shifrat për humbjet në kryqëzorin Moskva, ku është konfirmuar se kanë vdekur 116 persona, ndërsa më shumë se 100 të tjerë konsiderohen të zhdukur.  Zëvendësministri i Mbrojtjes vuri në dukje se për momentin llogaritja e numrit të të vdekurve është e vështirë për shkak të intensitetit të armiqësive dhe paarritshmërisë për trupat në fushën e betejës.- thuhet në njoftimin që u fshi nga media pro Kremlinit.

LEXO EDHE:
BE i jep Ukrainës 1.6 miliardë dollarë fonde nga asetet e ngrira ruse

 

Lajmi kryesor:

Lufta/ Zbulohen 200 varre masive në Mariupol! Rusia: 1 viktimë dhe 27 të zhdukur nga fundosja e anijes 'Moskva'! Sekretari i Përgjithshëm i OKB takim me Putin më 26 prill

M.Q./Shqiptarja.com

TAG:
• Rusi
• ukraine
• rusia sulmon ukrainen