POP 5

Lajmet më të lexuara të 5 minutave të fundit

Media

"Media", qeveria letër opozitës: Të
zgjidhim ngërçin në AMA e RTSH!
PDF-Letra e hapur ndaj opozites

Në mbledhjen e sotme të Komisionit të Medias, përfaqësuesit e mazhorancës, bënë të ditur se do t’i drejtohen me një letër zyrtare opozitës, për ta ftuar që të bëhet pjesë e këtij komisioni për t’i dhënë fund ngërçit në AMA si dhe në RTSH. Televizioni A1 Report ka mundur të sigurojë letrën. Peza: RTSH punon me një Këshill Drejtues që ka 3 vjet pa mandat, Drejtori i Përgjithshëm i RTSH ka 1vit që ka dhënë dorëheqjen VIDEO
zgjidhim ngërçin në AMA e RTSH!
PDF-Letra e hapur ndaj opozites">
TIRANE - Në mbledhjen e sotme të Komisionit të Medias, përfaqësuesit e mazhorancës, bënë të ditur se do t’i drejtohen me një letër zyrtare opozitës, për ta ftuar që të bëhet pjesë e këtij komisioni për t’i dhënë fund ngërçit në AMA (Autoriteti i Mediave Audiovizive) si dhe në RTSH.
 
Televizioni A1 Report ka mundur të sigurojë letrën që përfaqësuesit e mazhorancës, i kanë dërguar kolegëve të tyre të opozitës, që ngërçit në AMA dhe RTSH t’i jepet fund.
 
Nënkryetari i këtij Komisioni, Alfred Peza, i cili theksoi se duhen plotësuar vendet vakante pasi edhe afatet kohore janë limite. Konkretisht, Peza nënvizoi ngërçin që ekziston në këto dy institucione, ku u shpreh se Radiotelevizioni Shqiptar, punon me një Këshill Drejtues i cili ka 3 vjet pa mandat, ndërsa vetë Drejtori i Përgjithshëm i RTSH ka dhënë dorëheqjen prej gati 1 viti.
 
Gjithashtu sipas Pezës e njëjta situatë ngërçi vijon të jetë edhe në AMA, ku duhen zgjedhur 3 anëtarë dhe Kreu i AMA.
 
“Këto institucione janë në emergjencë, sepse duhen plotësuar me vendet, jemi në kohët limit. Kemi përsëritur thirrje për opozitën që ta tejkalojmë këtë ngërç. RTSH punon me një Këshill Drejtues që ka 3 vjet pa mandat, Drejtori i Përgjithshëm i RTSH ka 1vit që ka dhënë dorëheqjen. AMA po ashtu është jofunksionale dhe në një ngërç total.” u shpreh Peza, teksa nënvizoi se opozitës do t’i jepet dy ditë kohë për t’u njohur me letrën.

Sipas mazhorancës, nëse opozita vijon të mos marrë pjesë në Komision për të zgjidhur ngërçin, atëherë mazhoranca do të jetë e detyruar të marrë masa, ndoshta edhe duke ndryshuar ligjin.
 
Në thelbin e letrës që, A1 Report e disponon, qëndron krahas problemeve të sipër përmendura në AMA dhe RTSH, edhe problemi i dixhitalizimit, pra i kalimit nga transmetimet analoge, tek ato numerike, afati i të cilit përfundon më 17 qershor të 2015. Në këtë kuadër, në letër përfaqësuesit e mazhorancës theksojnë se Shqipëria, rrezikon të jetë vendi i fundit në Evropë që do të implementojë sistemin e ri të transmetimit, dhe kjo për shkak të mosfunksionimit të AMA-s.
 
Po ashtu edhe aktet nënligjore për formatin e ri të transmetimit dhe implementimi i këtyre platformave kërkojnë një periudhë të konsiderueshme, çka do të rrezikonte që konsumatorëve të platformave dixhitale t'u rrezikohej t'u ndërpritej shërbimi në mënyrë të njëanshme pas kësaj date.


Redaksia Online
(e.c/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Lojtari dhe trajneri më i mirë i vitit, FIFA tregon emrat e nominuar për

Lojtari dhe trajneri më i mirë i vitit, FIFA tregon emrat e nominuar për "The Best"! Duel mes Rodrit dhe Vini Jr, në garë edhe Messi

29 Nëntor, 11:15