POP 5

Lajmet më të lexuara të 5 minutave të fundit

Media

Mediat e huaja komentojnë
vizitën e Hillary Clinton në Tiranë

Vizita e Sekretares amerikane të Shtetit Hillary Clinton në Tiranë është komentuar edhe nga mediat e huaja.
Mediat e huaja komentojnë <br />vizitën e Hillary Clinton në Tiranë
Vizita e Sekretares amerikane të Shtetit Hillary Clinton në Tiranë është komentuar edhe nga mediat e huaja. Sipas prestigjozes The Washington Post gjatë fjalimit të saj në parlamentin e Shqipërisë mesazhi i sekretares Clinton ishte i qartë, se nevojitet bashkëpunimi i forcave politike për realizimin e reformave të cilat janë në interes të vendit.

Mediat e huaja i kanë kushtuar rëndësi deklaratës së kryediplomatess, e cila u bëri apel forcave politike për një proces zgjedhor të lirë dhe demokratik. Gjatë fjalimit të saj, Clinton sinkronizoi situatën politike në Shqipëri me atë të vitit 2008 në Amerikë. Kështu Clinton deklaroi se në zgjedhjet e 2009 ajo ishte rivale e presidentit aktual Barack Obama, por sot ata janë bashkëpunëtorë në qeverisjen e Amerikës dhe kjo-theksoi Clinton ndodh sepse ne mbrojmë interesat e vendit tonë të cilat qëndrojnë mbi cdo gjë tjetër. Sekretarja e shtetit amerikan deklaroi më tej se edhe Shqipëria duhet të ndjekë të njëjtin shembull bashkëpunimi në favor të interesave kombëtare.

Khaleej Times është një tjetër media e huaj e cila pasqyroi takimin e zonjës Clinton në Tiranë duke venë theksin tek fjalët e sekretares së shtetit sipas së cilave në Shqipëri mungon kultura e komunikimit në politikë. Në shkrimin e Khaleej Times është evidentuar kriza politike në Shqipëri pas zgjedhjeve të vitit 2009 e cila përfundoi me akuzat e opozitës për manipulim të zgjedhjeve nga kreu i PD Sali Berisha.

Zëri i Amerikës gjithashtu i kushtoi rëndësi vizitës së sekretares së shtetit amerikan e cila gjatë fjalës së saj edhe një herë vuri theksin tek fakti se SHBA janë një nga vendet mike të Shqipërisë dhe mbështesin anëtarësimin e saj në BE, por që për këtë nevojitet bashkëpunimi i palëve politike për plotësimin e tre rekomandimeve të kërkuara për statusin.

(dr/Shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Dosja/ ‘Ne i arrestojmë, ajo i liron!’, si Artan Hoxha ‘shiti’ te Suel Çela policin që denoncoi gjyqtaren Pajtime Fetahu

Dosja/ ‘Ne i arrestojmë, ajo i liron!’, si Artan Hoxha ‘shiti’ te Suel Çela policin që denoncoi gjyqtaren Pajtime Fetahu

28 Nëntor, 13:54