Incidenti në stadiumin “Partizani” të Beogradit ku u ushtrua dhunë ndaj kombëtares shqiptare ka pushtuar mediat e mbarë globit.
 
Rivaliteti Ballkanik e quan rrjeti amerikan CNN që e ka vendosur lajmin në faqen të parë të websajtit.
 
“Tensionet etnike në Ballkan dhe një incident me dron çuan në braktisjen e ndeshjes ndërkombëtare të futbollit për Europianin Francë 2016 pas përleshjeve të shëmtuara mes lojëtarëve”-raporton CNN, i cili e shoqëron lajmin me një background të gjatë historik që nga sulmet e NATO-s mbi Serbi që i dhanë fund genocidit ndaj shqiptarëve të Kosovës e deri tek fakti që Kosova nuk mund të luajë në ndeshje ndërkombëtare për shkak se nuk është pjesë e FIFA dhe UEFA. 

mediat e huaja



















Kuqezinjtë  kanë zënë vendin e parë edhe tek prestigjozja britanike “The Guardian” e cila përshkruan hap pas hapi të gjitha momentet e ndeshjes që pas valëvitjes së flamurit me Shqipërinë etnike mbi stadium.
 
Sipas gazetës pritet që UEFA të japë masa të rënda ndëshkimore ndërsa për momentin çështja është në shqyrtim.
 
“The Guardian” kujton se kjo ndeshje vjen vetëm pak ditë përpara vizitës së kryeministrit Edi Raman, e cila është vizita e parë e një kryeministri shqiptar në Beograd që prej vitit 1967. 

mediat e huaja




















“Ndeshja politikisht sensitive kualifikuese për Euro 2016 mes Shqipërisë dhe Serbisë u braktis pas përleshjeve mes lojëtarëve nga të dyja palët”-shkruan ndërkohë Reuters e cila kujton se autoritetet serbe nuk lejuan tifozët shqiptarë të ndiqnin nga afër këtë përballje.
 
Agjencia prestigjoze ndërkombëtare raporton se si tifozët serbë hynë në fushë duke goditur futbollistët shqiptarë duke i detyruar të tërhiqen në dhomat e zhveshjes ndërsa tifozët vazhdonin të qëllonin nga tribuna.

mediat e huaja

 



















“Ka mjaftuar një flamur që pasqyron Kosovën e lirë që të nxisë inatin e serbëve”-shkruan ndërkohë Corriere della Serra.
 
Gazeta italiane shkruan se dihej prej muajsh që kjo përballje Shqipëri-Serbi nuk do të ishte e lehtë.
 
“Nje ndeshje e pezulluar ndërsa mijëra tifozë zbritën në rrugë me flamurin kuqezi dhe shqiponjën dy krenarëshe në sheshin Nënë Tereza në Tiranë, të njëjtin shesh ku Papa Francesku mbajti celebroi meshën në shtator”-shkruan Corriere.
 mediat e huaja



















Sipas gazetës, tensionet nisën që në fillim kur tifozët serbë fishkëllyen ndërsa luhej himni shqiptar. Gazeta kujton se mes tifozëve serbë në fushë zbriti edhe Ivan Bogdanov, i njohur si Ivani i tmerrshëm, një prej krerët ultra që shkaktoi incidentet në Xhenova gjatë ndeshjes Itali-Serbi në vitin 2010.
 



Redaksia Online
(g.f/ Shqiptarja.com)