Emiratet e Bashkuara Arabe mohuan se kanë kryer një sulm ndaj Iranit, duke e quajtur “fake news” raportimin e mediave izraelite për një goditje ndaj një impianti uji.

Pamje nga Teherani sot me 8 Mars

Ministria e Jashtme e Emirateve deklaroi se vendi nuk kërkon përshkallëzim të konfliktit, edhe pse thekson se ka të drejtën e plotë të mbrojë sigurinë e tij përballë asaj që e cilëson si agresion iranian.

Edhe Rashid Al Nuaimi, kreu i Komisionit për Mbrojtjen, Punët e Brendshme dhe të Jashtme në Këshillin Kombëtar Federal të Emirateve, reagoi publikisht në rrjetin X duke e quajtur lajmin një sajesë.

“Kur bëjmë diçka, kemi guximin ta shpallim”, shkroi ai, duke shtuar se Emiratet nuk e barazojnë popullin iranian me regjimin e Teheranit.

Ndërkohë, në Abu Dhabi janë dëgjuar shpërthime të forta, sipas dëshmitarëve. Kryeqyteti i Emirateve është goditur disa herë që nga fillimi i luftës rajonale të shkaktuar pas sulmit amerikano-izraelit ndaj Iranit dhe kundërpërgjigjes së Teheranit.


Lajmi kryesor:

Lufta/ Djali i Ali Khameneit zgjidhet lideri i ri Suprem! Valë e re sulmesh amerikano-izraelite në Iran! Trump telefonatë me Starmer për përdorimin e bazave ushtarake (VIDEO)