Aktorja bukuroshe Megan Fox është bërë nënë për herë të parë, duke sjellë në jetë djalin e saj të quajtur Noah.

Sipas mediave të huaja vogëlushi gëzon shëndet të plotë dhe vetë Fox ka shkruar në Facebook:

“Kemi qenë me fat që kemi kaluar në shtëpi disa javë mjaft të qeta, por do të doja ta bëja unë lajmin publik përpara dikujt tjetër.

Kam sjellë në jetë djalin tonë të parë Noah Shannon Green më 27 shtator.

Ai është i shëndetshëm, i lumtur dhe perfekt. Ne jemi mjaft të lumtur që kemi mundësinë ta quajmë veten prindër të këtij shpirti të bukur dhe do të jem përgjithmonë mirënjohëse Zotit, që më lejoi të provoj këtë lloj dashurie,”-është shprehur aktorja.

Megan Fox ka konfirmuar shtatzëninë e saj në qershor të këtij viti gjithashtu, ajo është përkujdesur për djalin e bashkëshortit, Brian Austin Green, duke thënë se ndihej mjaft e lumtur që ishte njerkë e Kassius.

(xh.k/shqiptarja.com)