Megaoperacioni ‘Territor i pastër’/ Policia gjen dhe asgjëson 5396 fidanë dhe bimë kanabis në qarqet Lezhë, Elbasan dhe Shkodër

Megaoperacioni ‘Territor i pastër’/ Policia gjen dhe asgjëson 5396 fidanë dhe bimë kanabis në qarqet Lezhë, Elbasan dhe Shkodër

Policia e Shtetit ka  gjetur dhe sekuestruar 5396 fidanë dhe bimë cannabis sativa, në qarqet Lezhë, Elbasan dhe Shkodër.

Lezhë një 35-vjeçar është arrestuar dhe një 32-vjeçar është shpallur në kërkim nga policia pasi tentuan të kultivojnë lëndë narkotike kanabis.

35-vjeçari i identifikuar me inicialet M.Gj. dhe 32-vjeçari i identifikuar me inicialet P.Gj. (vëllezër) tentuan të kultivonin rreth 500 rrënjë kanabis në fshatin Gëziq të Rrëshenit.

Për këtë rast është vënë nën hetim për shpërdorim detyre, kryetari i fshatit Gëziq dhe specialisti i pyjeve, të identifikuar me inicialet Gj. B., 63 vjeç dhe P. Ç., 65 vjeç.

Rrënjët e kanabisi në kubik u asgjësuan nga policia.

“-shërbimet e Komisariatit të Policisë Mirditë kanë zbuluar në pyllin e fshatit Gëziq, një hapësirë që ishte përshtatuar për kultivimin e bimëve narkotike. Në këtë ambient u gjetën 500 fidanë cannabisi në kubikë, gati për t’u kultivuar në tokë, të cilët u asgjësuan nga Policia.

Në vijim të veprimeve hetimore për këtë rast u identifikuan 2 autorët e dyshuar, shtetasit M. Gj., 35 vjeç dhe P. Gj., 32 vjeç (vëllezër), të dy banues në fshatin Gëziq. Shtetasi M. Gj. u vu në pranga, ndërsa shtetasi P. Gj. u shpall në kërkim.

Gjithashtu, për këtë rast, u referuan materialet në Prokurori, ku nisi procedimi në gjendje të lirë, për veprën penale “Shpërdorimi i detyrës”, për shtetasin Gj. B., 63 vjeç, kryetar i fshatit Gëziq dhe për shtetasin P. Ç., 65 vjeç, specialist pyjesh për zonën e Gëziqit”, njofton policia.

Po ashtu, në fshatin Vinjoll të Kurbinit policia ka gjetur dhe asgjësuar 288 bimë narkotike cannabis sativa. Edhe për këtë rast u vunë nën hetim për veprën penale “Shpërdorimi i detyrës”, kryetari i fshatit I. B., 52 vjeç dhe M. Gj., 36 vjeç, inpektor pyjesh.

“-shërbimet e Komisariatit të Policisë Kurbin kanë gjetur në territorin e fshatit Vinjoll, Kurbin, 288 bimë narkotike cannabis sativa, të cilat u asgjësuan me anë të djegies.

Për këtë rast u referuan materialet në Prokurori, ku nisi procedimi në gjendje të lirë, për veprën penale “Shpërdorimi i detyrës”, për kryetarin e fshatit Vinjoll, shtetasin I. B., 52 vjeç dhe për shtetasin M. Gj., 36 vjeç, inpektor pyjesh në fshatin Vinjoll”,-njofton policia.

Elbasan, gjatë kontrolleve të policisë u gjetën 29 bimë narkotike në terren malor në Bodin.

U bë e mundur kapja e autorit të dyshuar të kultivimit të kanabisit. Bëhet fjalë për pronarin e tokës, F.B., 44 vjeç.

Ndërkohë nisi hetimi për kryeplakun e fshatit Bodin për shpërdorim detyre, R.H., 38 vjeç, si dhe për xhaxhain e të arrestuarit M.B., 75 vjeç, pasi dyshohet se ka pasur dijeni për kultivimin e bimëve dhe nuk ka kallëzuar krimin.

'Si rezultat i hetimeve dhe veprimeve të shpejta policore, u identifikua dhe u arrestua pronari i tokës ku ishin kultivuar bimët, shtetasi F. B., 44 vjeç. Në vijim të veprimeve për këtë rast u referuan materialet në Prokurori, ku nisi procedimi në gjendje të lirë për kryetarin e fshatit Bodin, shtetasin R. H., 38 vjeç, mbi dyshime për shpërdorim të detyrës, dhe për shtetasin M. B., 75 vjeç, xhaxhai i shtetasit F. B., pasi dyshohet se ka patur dijeni për këtë krim dhe nuk ka kallëzuar.', thuhet në njoftimin e policisë.

Ndërsa në Shkodër, blutë kanë gjetur dhe në territorin e njësive administrative Shalë, Pult, Postribë dhe Temal, 4167 fidanë dhe 412 bimë narkotike cannabis sativa.

K.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Or tej: 24/06/2024 14:45

    Keto qenkan artista sepse e paskan mbjellur ne parcele qe ngjan me harten e shqiprise or teeeejjjjj

    Përgjigju
  • Sondazhi i ditës:

    FSHF rinovon kontratën me trajnerin e Kombëtares Sylvinho, a jeni dakord?



×

Lajmi i fundit

Mandati i Xhaçkës, Bardhi: PS po injoron Kushtetutën! SPAK të veprojë, mos zbatimi i vendimeve, vepër penale

Mandati i Xhaçkës, Bardhi: PS po injoron Kushtetutën! SPAK të veprojë, mos zbatimi i vendimeve, vepër penale