Mehmeti i sakrifikuari për Europën, fiksimi italian rinis te Partizani ! Favorit Kozmi, lakohen Longo dhe Kolela

Eliminimi nga Kupat e Europës kanë hapur ankandin për trajnerin e ri të Partizanit. Aktualisht të kuqtë drejtohen nga Dritan Mehmeti, i cili në pjesën e dytë të sezonit të kaluar i kaloi pritshmëritë, por tani duket se drejtuesit kanë plane të tjera. Mehmeti përflitet se do ta mbyllë me Partizanin dhe një sinjal e dha edhe drejtori sportiv Elton Marini, i cili la të kuptohet se e ardhmja do jetë me trajner të ri.

“Sot që flasim Dritan Mehmeti vazhdon të jetë trajneri i klubit të Partizani,”- tha Elton Marini, drejtor i Partizanit.

Vetë Mehmeti nuk e përjashton shkarkimin, por është krenar për punën që ka bërë.

“Nuk ndjehem fare në presion përsa i përket Kupave të Europës sepse kemi bërë maksimumin. Skuadra është në rindërtim e sipër, por nuk mund ta menaxhoj të ardhmen se çfarë mund të ndodhë,”-deklaroi Dritan Mehmeti, trajner i Partizanit.

Këtë të shtunë është përfolur se trajneri i ardhshëm i Partizanit do jetë italian, ashtu si shumë herë në të shkuarën pavarësisht se pothuajse të gjithë kanë dështuar. Kandidati më serioz është miku i presidentit Gaz Demi Serse Kozmi, i cili ka drejtuar në Seria A, por përfliten gjithashtu emrat e ish-trajnerit të Kukësit Diego Longo, si dhe ish-trajneri i Apolonisë Xhovani Kolela, bashkpuntor i ngushtë i drejtorit Elton Marini. E sigurtë është se trajnerët shqiptarë tani për tani shihen si plan rezervë te Partizani.

Ne.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Opionisti: 16/07/2022 18:16

    Partizani futete ne intertoto partizani jane keta tranjere nevi dede ndihmesi shpetimi duros ish tranjeri egnates kurse tranheri elbAsani dr itan mehmeti edi martini petrite haxhia devi muka tranjeri shijaku 1 foto strakosha astrite havisi shkelqim muca agim canaj suleman mema ingrite fortuzi altin lala kliton bozgo ylli shehu tek tranjeri ballshi andrian mema arjan bellai EQEREM MEMUSHI RUDI VATA KLODJAN arbri gentjan begeja lushnja tranjere ilr daja armando cuku ervin beqiri sokol kushta sinani

    Përgjigju
  • Sondazhi i ditës:

    FSHF rinovon kontratën me trajnerin e Kombëtares Sylvinho, a jeni dakord?



×

Lajmi i fundit

1/3 e listës së deputetëve e mbyllur, ironizon Sefa: Do shtohen bluzat ‘Free Berisha’ në treg

1/3 e listës së deputetëve e mbyllur, ironizon Sefa: Do shtohen bluzat ‘Free Berisha’ në treg