POP 5

Lajmet më të lexuara të 5 minutave të fundit

Bota

Meksika pas masakrës, trupa të kalbur në ‘morgje mbi rrota’, 33 000 të vrarë të paidentifikuar në 2018

Banorët e qytetit perëndimor të Guadalajara u ankuan se nga një kamion me rimorkio frigoriferike vinte erë e keqe. Policia më pas zbuloi brenda kamionit trupat e 273 personave. Morgu i Guadalajara ishte aq i populluar sa trupat e vdekur u kalbën përpara se atyre tju bëhej autopsia.

 

Të vdekurit e pa identifikuar të vrarë këtë vit nga kartelet e drogës në Meksikë numërohen më shumë se 30 000. Kjo është deklarata e Komisionit Kombëtar të të Drejtave të Njeriut, bërë një ditë pas masakrës në kufirin midis Meksikës dhe SHBA ku humbën jetën 9 persona, 6 prej të cilëve fëmijë.

Në vitin 2018, pati 33,341 vrasje, një rritje prej 33% krahasuar me numrin rekord prej 25,000 në vitin 2017.

Ekziston gjithashtu një numër i pashpjeguar i mbetjeve skeletore që janë të grumbulluara vend e pa vend në të gjithë Meksikën.

Shumë nga mbetjet skeletore gjenden të groposura në gropa klandestine që kartelet e drogës i përdorin për të varrosur viktimat e tyre, rivalë apo dhe njerëz të pafajshëm.

"Sipas CNDH (Komisioni Kombëtar i të Drejtave të Njeriut), mbi 3,900 trupa janë gjetur në mbi 1.300 varre klandestine që nga viti 2007"

Në vitin 2018, banorët e qytetit perëndimor të Guadalajara u ankuan se nga një kamion me rimorkio frigoriferike vinte erë e keqe. Policia më pas zbuloi brenda kamionit trupat e pa identifikuar të  273 personave.

Morgu i Guadalajara ishte aq i populluar sa trupat e vdekur u kalbën përpara se atyre tju bëhej autopsia.

Kamionët - të njohur si "morgje mbi rrota" - janë bërë një pamje gjithnjë e më e njohur në Meksimë.

Por nuk janë vetëm kartelet e drogës që vrasin njerëz. Besohet se edhe forcat e sigurisë kanë kontribuar në numrin 37 000 të njerëzve të vdekur.

"Që prej vitit 2006, zhdukjet e njerëzve nga ana e forcave të policisë ka qënë një problem i përhershëm,” thuhet në raportin e Komisioni Kombëtar i të Drejtave të Njeriut.

Vala e gjakderdhjes në Meksikë u vendos në qëndër të shqetësimit të opinionit publik ndërkombëtarë pas masakrës së pakuptimtë të para dy ditëve kur kartelet e drogës vranë 9 persona, 6 fëmijë dhe tre nënat e tyre.

Disa fëmijë të tjerë u qëlluan dhe u plagosën gjatë sulmit me armë, por ata mbijetuan pasi u arratisën dhe u fshehën në shkurret e pyjeve afër vendit të ngjarjes.

Dyshohet se autorë të masakrës ishin grupe rivalë të kartelit Sinaloa, të drejtuar më parë nga ‘Mbreti’ El Chapo Joaquin, "El Chapo" Guzman, i cili po vuan një dënim të përjetshëm në Shtetet e Bashkuara pasi u dënua shkurtin e kaluar për trafik droge.

FBI i ofroi dje ndihmë qeverisë Meksike për të hetuar vrasjet - disa orë pasi Presidenti Andres Manuel Lopez Obrador hodhi poshtë propozimin e Presidentit amerikan Donald Trump për të "udhëhequr luftën" ndaj karteleve në Meksikë.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

27 Nëntor, 21:56