POP 5

Lajmet më të lexuara të 5 minutave të fundit

Kronikë

Memaliaj/ E dhunoi burri me sqepar, gruaja e fal: Kam frikë se do më vrasë

E dhunuara Antoneta Myrtaj nga Memaliaj, sot ka kërkuar të tërheqë denoncimin ndaj bashkëshortit të saj, i cili pretendon se është penduar për veprimin e tij

Dje u dhunua barbarisht nga bashkëshorti, sot 57-vjeçarja Antoneta Myrtaj nga Memaliaj, ka kërkuar nga ana e policisë që të tërheqë denoncimin për dhunën e ushtruar nga bashkëshorti, 65-vjeçari Ferik Myrtaj. Report tv sot ka takuar 57-vjeçaren dhe kjo e fundit nuk ka mundur të flasë më gjatë, por ka deklaruar se ka thirrur oficerin e prokurorisë për të tërhequr denoncimin që ka bërë ndaj bashkëshortit të saj.

E pyetur se si ka ndodhur ngjarja për të rikonfirmuar atë që ka shprehur një ditë më parë, ajo sot nuk ka mundur të kthejë përgjigje, pasi gjendja shëndetësore e saj është mjaft e rënduar. Ndërkohë ditën e djeshme e dhunuara ka deklaruar se:

Ai kishte pirë. Më kanë shpëtuar kalimtarët. Kisha frikë. Ju luta që të mos më qëllonte. Kam 3 vajza dhe ato më thanë se ai është penduar.Jam konfuze, akoma nuk di se si të veproj ta fal apo ta lë në burg. Kam frikë se do më vrasë

E dhunuara,  Antoneta Myrtaj

Antoneta Myrtaj u dhunua barbarisht nga bashkëshorti i saj mëngjesin e së hënës, ku Ferik Myrtaj 65-vjeç e ka goditur me sqepar duke i shkaktuar plagë të rënda në kokë dhe trup. Kanë qenë qytetarët, të cilët e kanë shpëtuar nga duart e burrit të saj, i cili në momentin që ushtronte dhunën, ishte në gjendje të dehur.

Ende nuk dihet se çfarë e ka shtyrë 57-vjeçaren që të bëjë një veprim të tillë, për të lënë në liri bashkëshortin, 65-vjeçarin Ferik Myrtaj, i cili tentoi ta vriste, por ndërhyrja e qytetarëve e bëri që ajo të shpëtojë.

//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça