MEMALIAJ- Jo të gjitha familjet e kanë pritur me lule dhe emocione nisjen e vitit të ri shkollor. Në familjen e Gjolek Duraj në fshatin Martalloz në Bashkinë Memaliaj mëngjesi i së hënës nis me lot. Nëna nuk i nisi dot 4 fëmijët e saj për në shkollë dhe gjyshja nuk u dha dot urimin për një vit të mbarë. Të dyja zonjat e shtëpisë, derdhën lot në vend të gëzimit që fëmijët ndryshe nga të tjerët nuk shkuan në shkollë.
Sokrat Duraj është djali më i madh i shtëpisë dhe ai sot kujdeset për dy motrat, vëllain më të vogël, për gjyshen dhe të ëmën. Rënia në burg e të atit, e ka burrëruar para kohe Sokratin 17 vjecar, për të marrë përsipër barrën e sigurimit të bukës së përditshme. I detyruar nga problemet ekonomike, ai e braktisi shkollën e bashkë me të edhe tre fëmijët e tjerë të familjes.
Ndërkohë që me lot në sy gjyshja dhe kryefamiljarja, apelojnë tek autoritetet për vëmendje karshi tyre.
![](https://shqiptarja.com/template/img/NO_ALFA_Kuadrate shqiptarja.png)
Është kjo drama që përjeton përditë familja Duro në Martalloz në ditët e sotme në një zonë të njohur deri tre vjet më parë për kultivim kanabisi.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)