E ftuar në emisionin e mëngjesit “Rreze Dielli” në Report TV, me moderatore Androniki Kolka, ishte Adja Angjeli, mentore e shëndetit, e çertifikuar për problemet hormonale.
”Luhatjet hormonale janë shumë shqetësuese për gratë kryesisht, pasi shkaktojnë probleme që mund të kenë pasoja të mëvonshme” e nis kështu intervistën në studio, mentorja e shëndetit.
Hormonet janë substanca kimike të cilat ndikojnë funksionin e qelizave dhe organizmit. Eshtë normale që nivelet e tyre të ndryshojnë gjatë fazave të ndryshme të jetës suaj, si p.sh. në adoleshencë ku simptoma e parë më e dukshme janë aknet, para ciklit menstrual ose gjatë një shtatzanie apo në menopauzë. Por, ka dhe disa situata shëndetësore të cilat mund të reflektojnë në një çrregullim hormonal duke i bërë ato të shkojnë lartë apo poshtë.
Sipas Angjelit, hormonet mund të kenë luhatje të forta në fazën e pre menopauzës, apo të menopauzës, si pasojë e një cikli natyral që pëson luhatje. “Disa nga problemet e drejtëpërdrejta që vihen re janë: Së pari, shtimi në peshë të personit që ka luhatje hormonale, ky është dhe sinjali i parë. Së dyti problemet me tiroiden, problemet me mungesën e prodhimit të insulinës në gjak, probleme kardiologjike si dhe ndjesia e një gjendje alerti pa shkak” shtoi Andja.
Por si mund të dallohen problemet me hormonet? Së pari duhet bërë një test hormonal tek mjeku endokrinolog, pasi pas moshës 30 vjeç dhe sidomos pas lindjes, trupi i femrave është i prirur të pësojë luhatje hormonale. Së dyti, jo gjithmonë problemet me hormonet dalin në analizat e thjeshta të gjakut ndaj duhet të jemi të kujdesshëm dhe së treti, mund të dallohet duke bërë një test të asaj që njihet si “tiroidja e fshehur” shtoi mentorja në studio.
Por çfarë duhet të bëjë një grua që të normalizojë hormonet në trupin e saj? Sipas Adjas, çdo gjë nis nga stili i jetesës, regjimi ushqimor, apo mënyra e të ushqyerit. “Nëse një njeri ndjek parametrat e mësipërm dhe tregohet i kujdeshëm, niveli i hormoneve normalizohet vetë” theksoi ajo.
Por si të dallohen simptomat? Pacienti mund të shfaqë fryrje barku, oreks të shtuar, probleme me peshën, probleme me ciklin menstrual, rënien e flokëve apo akne në pjesën e gushës. Sipas saj, vetëm analiza hormonale e kontrolluar dhe një dietë e pasur ushqimore mund të çojë trupin drejt një balance.
“Për të marrë efekt, kujdesi duhet të marrë minimum 3 muaj dhe maksimumi 6 muaj kohë” nënvizoi Angjeli. Sipas saj, nëse një paciente nuk i kushton vëmendje simptomave dhe nuk kurohet, mund të shfaqë probleme të tjera të mëvonshme me shëndetin.
Lajme të tjera
-
Mjalti, shëruesi i madh i 216 sëmundjeve, Altin Joka: Si të përdoret pa humbur vlerat / Provat e pagabueshme, si të dallojmë mjaltin pa hile
20 Nëntor, 16:33 -
‘Kujdes nga skandalet, çdo gjë shihet me lupë’, Jorgo Pulla paralajmëron… /Horoskopi javor 18-24 nëntor
18 Nëntor, 13:57 -
Ylli Merja prezanton 'frutin magjik' insulinë natyrale e diabetikëve/ Shenjat e hershme të diabetit dhe regjimi ushqimor
11 Nëntor, 16:28 -
Mundësi ideale në punë! Ja shenjat që përfitojnë…/Horoskopi javor 11-17 nëntor nga Jorgo Pulla
11 Nëntor, 13:12 -
Mos i neglizhoni miomat/ 'Mishi i huaj' në mitër, ja si të shpëtoni pa kirurgji me kurën nga Ylli Merja
4 Nëntor, 16:30 -
Ndryshime kolosale këtë javë/ 'Alarm shenjat e ...' Horoskopi 4-10 nëntor nga Jorgo Pulla
4 Nëntor, 13:28 -
Supë me mish qengji nga gazetarja Admirina Peçi
31 Tetor, 11:47 -
Sallatë e egër me lëng shege nga Admirina Peçi
31 Tetor, 11:40 -
Hasude me arra sipas traditës matiane nga Admirina Peçi
31 Tetor, 11:34 -
‘Pa to, nuk kemi jetë’, Ja zakonet që po ju dëmtojnë veshkat / Altin Joka tregon ushqimet dhe bimët më të mira për shëndetin e veshkave
30 Tetor, 16:30 -
Bukë misri me djathë e majdanoz nga Niki dhe Eljani
30 Tetor, 12:23 -
'Nëntor i frikshëm', ja cilat shenja do të sprovohen nga ky muaj/ Astrologu Jorgo Pulla paralajmëron: Kujdes!
28 Tetor, 15:32
