Lexova përmbajtjen e bisedës së takimit mes Gazmend Bardhit dhe përfaqësuesit të Institutit Demokratik Amerikan. Nuk di nëse ja ka thënë egzaktësisht ashtu, por në postimin thuhej se ai qe ankuar se Edi Rama ka një plan për asgjësimin e opozitës dhe këtë e lidhte natyrisht me ndëshkimin nga drejtësia të Berishës dhe Metës që është ende në proces.
Natyrisht që nuk thuhet se çfarë tha përfaqësuesi amerikan, por kjo nuk na hyn në punë se SHBA i ka publike qëndrimet për këtë rast.
Ajo që nuk dimë është a ka mbajtur qëndrim Gazmend Bardhi ndaj deklaratës zyrtare të Berishës se SHBA dhe Britania e Madhe provuan se janë dy vende me drejtësi të korruptuar pasi shpallën atë “non grata”?
Kjo ka rëndësi për të kuptuar integritetin e tij politik. Duhet të kuptojmë nëse në PD këtë gjë e thotë vetëm Berisha dhe Çim Peka, apo gjithë PD mendon se SHBA dhe Britania e Madhe janë vende të korruptuara dhe nuk ja faktuan dot Berishës korrupsionin?
Në fakt gjykata e Britanisë së Madhe, jo që ja ka faktuar, por dhe ja ka detajuar raportin klientelist të vajzës së tij me Fazlliçin.
Ndoshta e keni harruar historinë. Vajza e Sali Berishës përmes studios së saj ligjore, ka pasur prokurë për gjithë veprimet e kompanive të Fazliçit duke përfshirë kontrollin financiar deri dhe tek shitje e kompanisë.
D.m.th. ka vepruar si ta kishte kompaninë e saj. Ka tërhequr lek nga banka me miliona euro pa adresë dhe ka bërë veprime deri në Qipro. Dhe akuza në atë kohë ka qenë se Fazliç i ka faturuar një shitje 1,7 milion euro nga një kompani që s'ka prerë asnjë faturë, me bazë në Qipro. Drejtësia shqiptare nga presioni publik i shtypit hapi hetimin dhe gjyqtari e mbylli me arsyetimin se nuk erdhën letërporositë nga Qipro.
Ky është rasti që SPAK ta rihapë atë çështje, nisur nga gjykimi britanik dhe të kërkojë në Qipro gjithë historinë e kompanive të tij ofshore dhe prokurën për studion e Argitës e cila është botuar në shtyp në atë kohë.
Tani nuk është problemi se çfarë beson Gazmend Bardhi. E dimë që nuk mendon si Berisha. E dimë që ka ambicie politike personale, dhe është një njeri i aksionit politik, por këto i bën nga halli.
Por kjo është një lloj vijë e kuqe për integritetin e një politikani që ai duhet t'i japë përgjigje.
Nëse ai mendon si Berisha që SHBA dhe Britania e Madhe janë të korruptuara se kanë dënuar Berishën, nuk është keq për SHBA dhe Britaninë e Madhe, por është një shenjë, që brenda partisë së Berishës është shkretëtirë dhe jo që nuk është bashkëjetesë në diversitet, por është bashkëjetesë në shkretëtirë.
Kjo tregon se Berisha u ka imponuar atyre të gjithëve standardin e të qenit idiot. Dhe ata e kanë pranuar. Këtu nuk kemi çfarë diskutojmë më, se për atë punë pastaj është më i mirë Flamur Noka se Gazmend Bardhi. Se ai është nga ata budallenjtë e sinqertë që edhe e beson atë që thotë Berisha
Nëse Gazmend Bardhi ka ndonjë mendim tjetër nga Berisha atë duhet ta thotë se ai është lajmi që në atë parti mbijeton dhe mendimi ndryshe.
Se që të shash Edi Ramën është kollaj pasi është sport kombëtar. Por të guxosh të përsëritësh idiotësitë e Berishës për SHBA dhe Britaninë e Madhe në një takim me amerikanë, është turp kombëtar dhe personal. Kjo është vija që ndan idiotët nga njerëzit normalë. Nuk po them udhëheqësit./ Tema
Komente
Lajme të tjera
-
Stuhi, reshje shiu dhe dëbore godasin Shtetet e Bashkuara
23 Nëntor, 21:12 -
Ylli Pata: E marta e kiametit...
23 Nëntor, 19:52
-
Ministri Vengu takime me zyrtarë të lartë në SHBA: Shqipëria e angazhuar për forcimin e bashkëpunimit në mbrojtje dhe sigurinë globale
23 Nëntor, 19:32 -
Specialistja e Departamentit amerikan të Tregtisë: SHBA të interesuara të thellojnë bashkëpunimin me Kosovën për energjinë e pastër
23 Nëntor, 19:13 -
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
'Të rezistojmë, të ngremë krye', Salianji letër nga burgu, kërkon drejtësi për Martin Canin: Asgjë nuk vjen vetë! Aq më keq po t’ia lësh në dorë kryeministrit
23 Nëntor, 17:59 -
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35 -
Jorida Tabaku: Socialistët i trajtojnë pensionistët si grup elektoral dhe i gënjejnë për vota! Ata meritojnë dinjitet dhe vlerësim
23 Nëntor, 15:44 -
Pas 7 refuzimesh, Berisha s'heq dorë! Këmbëngul për liri në Gjykatën e Lartë
23 Nëntor, 15:41
-
Alban Daci: Lufta III Botërore?
23 Nëntor, 15:23
-
Zgjedhjet 2025/ Bardhi: Betejë për jetë a vdekje! Në Kuvend, gratë deputete shpesh herë më shumë luftarake se burrat
23 Nëntor, 14:08 -
Shefi i NATO-s takohet me Trumpin në Florida
23 Nëntor, 12:35
Gazi 1.0 me Berishën Gazi 2.0 kundër Berishës Gazi 3.0 në xhepin e Berishës Kujt Gazi po ja bëni pyetjen i nderuar gazetar?!
PërgjigjuMc.gonigal o mero, eshte zyrtar amerikan i korruptuar. Sa per nje shembull
PërgjigjuPër të mbrojtur nuk e mbrojnë. Por për të menduar e mendojnë. Jo me zë të lartë siç e mendon Saliu tani që u shpall nongrata.
Përgjigju