POP 5

Lajmet më të lexuara të 5 minutave të fundit

Opinion

Mero Baze: Berisha në Vlorë nga makthi se Mediu mund t’i dalë si Luli

Takimin e Sali Berishës në Vlorë e dominoi beteja kundër reformës në drejtësi. Ndryshe nga takimet e tjera, ai u përpoq të bënte kalë beteje luftën kundër reformës në drejtësi. Duke qenë një reformë të cilën SHBA e ka cilësuar dhe interes strategjik të SHBA në Shqipëri, Sali Berisha ishte dy herë i motivuar.

Mero Baze: Berisha në Vlorë nga makthi se Mediu mund t’i dalë si Luli

Sali Berisha në Vlorë

Takimin e Sali Berishës në Vlorë e dominoi beteja kundër reformës në drejtësi. Ndryshe nga takimet e tjera, ai u përpoq të bënte kalë beteje luftën kundër reformës në drejtësi.

Duke qenë një reformë të cilën SHBA e ka cilësuar dhe interes strategjik të SHBA në Shqipëri, Sali Berisha ishte dy herë i motivuar. E para, se merrte hak ndaj SHBA për atë që i kanë bërë, e dyta, se dje laku i saj u ngushtua rreth djalit të tij të implikuar në një nga ngjarjet më tragjike në Shqipëri, ku u vranë 26 vetë dhe u plagosën mbi 300 të tjerë.

Beteja kundër reformës në drejtësi nuk është se e dëmton më reformën. Kjo është një betejë e viktimave të saj me të dhe jo betejë e aktorëve politikë që mund ta dëmtojnë atë.

Por Sali Berisha tani po mendon vetëm për një skemë. Ai po përpiqet të dalë si viktimë nga ndëshkimet e radhës që mund t’i vijnë nga drejtësia. Duke parë se çështja e Fatmir Mediut po shkon në Gjykatë të Lartë dhe natyrisht frika se Mediu mund të bëhet “pentito” si Luli, e kanë motivuar atë të hidhet në sulm kundër reformës në drejtësi, që nëse i biri i tij përfundon në burg nga drejtësia, ta paraqesë atë si hakmarrje ndaj Berishës, që sulmoi reformën në drejtësi.

Të gjithë e pamë se si gënjente duke thënë se ka kërkuar që Xhorxh Sorosi të shpallej person non grata në Shqipëri. Ky personalisht as e ka thënë, as e ka bërë ndonjë herë. Intervista e tij e fundit për Xhorxh Sorosin ka qenë më 2013 në forumin e Kras Montanës, ku e vlerësoi si një mik të madh të Shqipërisë.

Gënjeshtrat që thotë sot, në një sallë mbushur me njerëz që më shumë kanë kuriozitet të shikojnë si ka degraduar Saliu, se sa të presin ndonjë gjë prej tij, janë në funksion vetëm të viktimizimit të tij.

I djegur nga Lulzim Basha dhe ajo që ai e quan “thikë pas shpine” për të, ai tani ka në horizont një rrezik të ri, thikën pas shpine nga Fatmir Mediu.

Shpresa se ai nuk do të flasë dhe nuk do ta shesë është ende e madhe, por po aq e madhe është dhe frika në minutën e fundit, si ajo e Lulzim Bashës. Kjo e bën Berishën që të kthejë kalë beteje reformën në drejtësi, i vetmi motiv që e ka detyruar atë në atë moshë, të marrë shkopin e të dalë rrugëve.

Është duke bërë atë që duhet të bëjë. Jo vetëm ai, por të gjithë. Sali Berisha e ka të nevojshme betejën kundër reformës në drejtësi, pasi ajo ishte makthi i gjithë zhvillimeve qe degraduan PD në këtë pikë.

Lulzim Basha ka bërë po ashtu atë që duhet, duke flakur Sali Berishën. Edi Rama po bën atë që duhet duke i ndenjur larg këtij degradimi të PD e duke u marrë me punët e qeverisjes.

I fundit që pritet të bëjë detyrën para drejtësisë është Fatmir Mediu. Deri sa ajo çështje të mbyllet, mos prisni që Berisha të heqë nga goja reformën në drejtësi.  Shembulli i Lulit e lë pa gjumë. Nuk është pak ta kesh fatin e djalit në dore  të Fatmir Mediut.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • fteri: 26/09/2021 18:28

    Mizat Vlonjate grumbullohen në bythë të kalit ngordhur Berisha kundër Amerikës dhe shqiprisë !Daullexhiut luftënxitës Sali Berishës që dogji e rrënoi shqiprinë gjatë 30 vjeteve ,nuk ngopet me zjarrvënjen e katandisjen në zero të djersës e gjakut të 45 vjetve të ekonomisë shqiptare gjatë socializmit që i bëri .Daullet e Kumbimet kundër amerikës i përngjajnë pëllitjes së egërsuar të një elefanti të plagosur ,ose kaka-risjes pulave kundër Luanit (Amerikës) Është e turpëshme që ky daullexhi që i ka dalë boja me vrasje e krime ,akoma është në gjendja të grumbulloi brenda disa orësh të gjitha forcat e llumit shqiptar të PD-së ,ti rreshtoi për luftë anti-amerikane-europiane e demokratike ,aleate të shiprisë !...? Ky është një gabim i madhë jehona që i bë shtypi e të gjitha televizioneve e e gazetave të këtyre militantver me fytyra agresori ata halabak që i vunë zjarrin shqiprisë duan ta quajnë veten të ndershëm me mafiozin të shpallur non grata Sali Sebin. Tam -tamet të daullexhiut luftënxitës të ish udhëheqës i krimit e mafjes Sali Ram Berishës i duhen prerë duart e veshët.Sepse tingujt e antiamerikanizmit dhe europianizmit bëhen më të forta ,po të lihet në një fshat të vogël të viçidolit ,të shkodrës ,apo të jugut shqiprisë mercenarët e djgëjes Vlorës,dhe gjithë shqiprisë. Edhe fshatari që gjendet në një strehë kallamishtesh i pa shkolluar ,apo zyrtar të inkriminuar në sofrën e maqfjes ,apo prokurorët e plepave të flakur nga vetingu, Llalla ,apo guvernatori hajdut i BSH .ish presidenti mediokër me mustaqe Nishani ,apo ndonjë deputet i inkriminuar si Flamur Noka ,apo thathuqi Edi Paloka e Tritan Shehu e dëgjojnë tonalitetin e tingullit të kriminelit daullexhi të Sali Berishës dhe grumbullohen brenda orësh në prapësitë e tij kundër amerikës dhe shqiprisë e demokracisë.Ku e gje ky kriminel këtë force që nu prangoset me cermoni para popullit që ti priten duart -Luftënxifëse.?!.... Këti daullexhiu i duhen prerë të dyja duart.që të mos i bjerë më daulles luftës falese me."Bashën" Ai e ka me amerikën dhe objektiv ,shkatrrimit shqipërisë

    Përgjigju
  • Pali: 26/09/2021 03:43

    Shume artIkull I mire mero...FUNDI eshte shume domethwenes...

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Dronë misteriozë shihen mbi tri baza amerikane në Britani

Dronë misteriozë shihen mbi tri baza amerikane në Britani

24 Nëntor, 07:41