Presidenti i SHBA Joe Biden, ka zgjeruar objektin e Urdhërit Ekzekutiv të Presidentit Bush në vitin 2001 për Ballkanin Perëndimor, duke shtuar në gjeografinë e këtij urdhri edhe Shqipërinë, për “personat që kryejnë korrupsion dhe minojnë institucionet demokratike”.
Kjo është fjalë për fjalë, ajo që thuhet në vendimin e Sekretarit të Shtetit Antony Blinken, i cili duke bërë publik emrin e Sali Berishës në Listën e Zezë të SHBA, e ka përshkruar atë si “person i akuzuar për korrupsion dhe si minues I demokracisë”.
Urdhri i Presidentit Biden, konsideron kërcënim për sigurinë kombëtare të SHBA, personat e përfshirë në “pengimin e proceseve demokratike dhe gjyqësore, korrupsionin dhe krimin e organizuar”, thuhet në një njoftim të Shtëpisë së Bardhë.
Pra është e qartë se kemi të bëjmë me një ngritje në një shkallë më të lart të ndëshkimit për Sali Berishën, nga Sekretari i Shtetit, tek Presidenti i SHBA.
Natyrisht që është një vendim i rëndë për të dhe familjarët e tij. Është një vendim që pason përpjekjet e tyre qesharake dy javore, për ta relativizuar ndëshkimin dhe për ta normalizuar në opinionin publik, përgatitjen e një rezistence politike antiamerikane në Shqipëri.
Por me sa duket “berishët” edhe pas këtij zhvillimi nuk u ndalën. Dhëndri i Sali Berishës, i cili po hetohet për kompleksin e ish Klubit “PartianI”, të privatizuar me firmë të Sali Berishës, në një proces të dyshimtë të falsifikimit të origjinës së pronave dhe me një skenar të pastrimit të pareve, duke dal nga procesi I ndërtimit si një milioner, për shkak të favoreve që u kishte bërë partnerëve në biznes në emër të pushtetit të vjehrrit të tij, mund ta kishte shmangur reagimin. AI doli I pari dhe postoi një reagim ku thotë se Urdhri Ekzekutiv i presidentit Biden është për Hashim Thaçin e Edi Ramën që kanë dashur të ndajnë Kosovën.
Reagimi i tij pasonte të njëjtën logjikë të televizonit të djalit të Sali Berishës. Pra, kishte ndodhur ajo skena e rëndomtë që ndodh në familjen Berisha, ku pas çdo goditje ndaj tij, ai u tregon përrallën e radhës se çfarë ka ndodhur. Dhe pas kësaj, nuk ka më burrë nëne ti ndal në broçkullat e tyre.
Në fakt “berishët” janë në ditë të këqija dhe ata diçka duhet të bëjnë për t’u mbrojtur. Në këtë rast këshilla më e mirë për ta, është ajo skena e rëndomt që ndodh në filmat e Hollivudit, kur një person I akuzuar arrestohet dhe policët ndërkohë që janë duke I shtrënguar prangat, dhe I thonë atë fjalinë shabllon: “Ti ke të drejt të mos flasësh në këto momente, pasi çdo deklaratë do të përdoret në gjyq”.
Berishët janë fiks në këtë pozitë. E vetmja mbrojtje dinjitoze e tyre, pas gjithë këtyre gjëmave që po u ndodhin, është të përdorin të drejtën e tyre për të heshtur Pasi sa më shumë flaisn, aq më shumë shtrëngohet laku dhe provojnë akuzat.
Kështu ndodhi që nga dita kur ata u shpallën në Listën e Zezë të Departamentit të Shtetit , deri dje kur hynë në Listën e Zezë të Presidentit dhe u paralajmëruan për sanksione. Më tej Shqipëria mund të hap negociatat me Bashkimin Evropian dhe ky ndëshkim mund të konvertohet edhe aty dhe pastaj u mbetet të lëvizin nga Lalëzi në Gërdec dhe të drekojnë vetëm me Ilir Metën, për të cilin sot nuk ka denjuar askush të thotë një fjalë pro tij.
Heshtja ndoshta do t’i ndihmonte më shumë. Do ti bënte të ndjeheshin paska viktima në sytë e atyre që i kanë parë si udhëheqës. Kështu, përveçse fajtor, duken dhe budallenj.
Komente
Lajme të tjera
-
Edison Ypi: Spiun dhe Bariton
25 Dhjetor, 21:10
-
Ylli Pata: Legjendat elektoralo-amerikane të Sali Berishës
25 Dhjetor, 20:00
-
Takimi me gratë e PD, Vokshi bëhet ‘lëmsh’ me datat: ‘Rama i urren gratë!’ Mbështetësja: Berisha është Zoti i Tokës, e marr unë plumbin e parë!
25 Dhjetor, 19:46 -
Analiza e VOA: Demokracia në provë në Evropën Lindore mes akuzave për ndërhyrje nga Rusia
25 Dhjetor, 19:34 -
Elon Musk: Mos dhuroni më asnjë qindarkë për Wikipedia-n, kontrollohet nga ekstremi i majtë
25 Dhjetor, 19:23 -
Berisha me gratë demokrate të LDG: Kjo është qeveria e Luciferit, 13 km rrugë për të vjedhur 14 herë! Ministret e Ramës pa forcë morale
25 Dhjetor, 19:13 -
Planet e administratës Trump për t’i dhënë fund luftës në Gazë
25 Dhjetor, 16:49 -
Dyndje për festat! 'Bien' linjat ajrore amerikane, bllokohen mijëra fluturime
25 Dhjetor, 15:55 -
Një mrekulli Krishtlindjesh! Mendonte se ishte fëmijë i vetëm, 75-vjeçari takohet për herë të parë me vëllezërit dhe motrën
25 Dhjetor, 15:44 -
Perëndimi: Vendimet e Parlamentit të Republikës Srpska kërcënojnë rendin kushtetues të Bosnjës
25 Dhjetor, 15:03 -
Trump do të blejë Grenlandën, Danimarka rrit shpenzimet për mbrojtjen e ishullit
25 Dhjetor, 14:06 -
Kërcimi viral i Donald Trump për Krishtlindje (VIDEO)
25 Dhjetor, 13:29
po mbase e hedh Berisha dhe Biden ne gjyq per prishje imazhi dhe per pasurine qe do ia heqe nga duart familjes. Se me hedhjen e Bilken ne gjyq eshte bere tamam qesharak. tamam fiasco mediatike beri.
Përgjigju