POP 5

Lajmet më të lexuara të 5 minutave të fundit

Opinion

Mero Baze: I vetmi shans i Berishës është të jetë i paqartë

Qëllimi i vetëm i Sali Berishës këto kohë është të mos jetë i qartë. Ai kërkon vetëm të mbajë njerëzit të karikuar kundër Lulzim Bashës, duke u ofruar opsione të ndryshme, por jo ndonjë datë përballje apo ndonjë rrugë përballje.

Mero Baze: I vetmi shans i Berishës është të jetë i paqartë

Ka shumë pikëpyetje brenda grupit të vogël që i është bashkangjitur Berishës, por edhe atyre që e vështrojnë nga jashtë, se çfarë plani ka ai për t’u përballur me Lulzim Bashën.

Fillimisht Sali Berisha tha vetë se do të takojë demokratët në gjithë Shqipërinë dhe do të organizojë një referendum për të shkarkuar Lulzim Bashën, pas vendimit të marrë për nxjerrjen e Berishës jashtë grupit parlamentar të PD.

Pastaj u organizua takimi i parë dhe pas takimit Flamur Noka, si deputeti më me përvojë partie që ka shkuar me Berishën, tha se meqë statuti nuk parashikon referendum, dhe çudia ishte që Berisha nuk e dinte, ngaqë se ka lexuar kurrë statutin e partisë së vet, atëherë do mbledhin firma të mbledhin Këshillin Kombëtar dhe të ndryshojnë statutin, duke shtruar të drejtën për referendum.

Në të vërtetë, rruga ligjore për të ankimuar atë që ka ndodhur është t’i drejtohet grupit parlamentar dhe të detyrojë grupin parlamentar ta hedhë në votë a e pranon apo jo atë si pjesë të grupit.

As këtë nuk e bën, se nuk ka dëshirë të përballet me asnjë matje force në forumet e PD.

Qëllimi i vetëm i Sali Berishës këto kohë është të mos jetë i qartë. Ai kërkon vetëm të mbajë njerëzit të karikuar kundër Lulzim Bashës, duke u ofruar opsione të ndryshme, por jo ndonjë datë përballje apo ndonjë rrugë përballje.

Në një farë mënyre ai po kërkon të krijojë një klimë revolucionare kundër Bashës në parti dhe në opinion publik, por jo të hakmerret apo të rikthehet diku.

Ai është i qartë se rikthimi i tij vetëm sa i bën keq më shumë atij e pastaj PD-së, ndaj nuk i hyn në punë. Nga ana e tij, Lulzim Basha e ka çuar deri në fund cinizmin e tij, duke deklaruar se pezullimi i Berishës është i përkohshëm, derisa të fitojë gjyqin në Francë, duke u tallur kështu me gënjeshtrën me të cilën Berisha tentoi të mbrohej javën e parë pas shpalljes së tij familjarisht në “Listën e zezë” të SHBA.

Prandaj të gjithë ata që kërkojnë që Berisha t’u tregojë se si do ta heqin Lulin, apo çdo bëjnë me Lulin, çdo bëjnë me referendumin, çdo bëjnë me statutin, çdo bëjnë me Këshillin Kombëtar, çdo bëjnë me Kongresin, thjesht e torturojnë kot.

Berisha tani është në pozitën e Lulzim Bashës të tre muajve të fundit, që gjëja më e rëndë ishte t’i merrje një përgjigje çfarë do te bëhet me Berishën. Këtë hall tani e ka vetë Sali Berisha.

Ai thjesht po mundohet ta lërë sa më të paqartë të ardhmen e lëvizjes së tij të rrugës, për ta lënë atë në rrugë, duke shpresuar se kështu Basha mund të trembet dhe të dorëzohet.

Shansi i vetëm i tij për të mbijetuar është të jetë sa më i paqartë. Pasi i qartë është dënimi i tij nga SHBA dhe PD. Vetëm paqartësia e mban mbi ujë tek budallenjtë.

I.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Tosi: 19/09/2021 01:26

    I vetem shans i Berishes eshte te rrefeje te vertetat e jetes se tij. Dhe te kerkoje falje popullit per njeriun e ri te demokracise qe krijoi. Me keq se ate te komunizmit. Fytyren me te shemtuar e perfaqson pikerisht ky Mero leshi.

    Përgjigju
  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Sulmin në ditën e Krishtlindjes Zelensky e quajti çnjerëzor, reagon Moska: Ishte sukses! Ne i arritëm objektivat

Sulmin në ditën e Krishtlindjes Zelensky e quajti çnjerëzor, reagon Moska: Ishte sukses! Ne i arritëm objektivat

26 Dhjetor, 08:46