Bledi Çuçi ishte ndoshta ministri i parë i Brendshëm i Shqipërisë që kishte një distancë profesionale me policinë. Nuk u përfshi kurrë në spiralen e të qenit kryepolic, si jo rrallëherë kanë rënë ministrat tanë të Brendshëm, dhe nuk pati asnjë protagonizëm si vendosës rendi në Shqipëri. Eshtë një detyrë që ja delegoi policisë.
Nga ana tjetër ai është dhe Ministri i parë i Brendshëm që nuk u përfshi as në emërimin e Drejtorit të Përgjithshëm të Policisë dhe pjesës tjetër të piramidës së saj, përveç një stafi të vogël politik.
Nga pikëpamja shtetërore ky ka qenë një hap përpara, pasi për herë të parë kishim një Ministër të Brendshëm që nuk donte të dukej si kryepolic.
Madje për herë të parë kemi pasur një kupolë policie, që më shumë e adhuronte Berisha se sa Ministri i Brendshëm. Nëse e vini re, në gjithë ngjarjet kriminale, që ndodhin rëndom në Shqipëri, Sali Berisha nuk ka asnjë rezervë për kupolën e policisë, “përveç kriminelit Ardi Veliu” që i bën të gjitha të zezat në emër të policisë. Madje dhe rrahjen e Berishës me grusht më 6 Dhjetor.
Shkarkimi i Bledi Çuçit në këto kushte është një reagim politik, pasi ngjarja e rëndë donte doemos një përgjigje politike. Dhe ai është kryeviktima e kësaj ngjarjeje, edhe pse jo fajtor për të.
Bledi Çuçi nuk iku as si ministër i korruptuar, as si i paaftë. Iku se dështoi policia me të cilën ai nuk u mor kurrë. Madje kam frikë se nuk ka emëruar asnjë shef policie.
Por duket se modeli i një ministri modern të Brendshëm dështoi. Modeli i një ministri që shikon punët e veta duke lënë policinë të shikojë “punët e veta”, dështoi. Pasi policia jonë me sa duket shikon vetëm punët e veta po e le të lirë, dhe jo rendin.
Taulant Balla është një nga peshat më të rënda politike të Partisë Socialiste, në mos i rëndësishmi pas Edi Ramës. Emërimi i tij si Ministër i Brendshëm, është një marrje përgjegjësie politike për rendin në Shqipëri.
Natyrisht kjo do ta egërsojë shumë Sali Berishën. Do t'i dëgjoni të gjitha shpifjet me radhë dhe baltën pa fund ndaj tij. Por ato nuk e rrezikojnë misionin e tij. Ato thjesht tregojnë se çfarë ka frikë Berisha se mund të bëj ai.
Misionin e tij e rrezikon vetëm dështimi i rendit. Fakti që një peshë politike kaq e rëndë e PS merr përsipër rendin, tashmë përgjegjësia është shumë politike dhe ai duhet të ketë duart e lira të sillet si Ministër politik, edhe me stukturat e policisë, të cilat çdo mbrëmje më shumë raportojnë tek Gon Kuliçi se tek ministri i tyre.
Duke vendosur Taulant Ballën Ministër të Brendshëm, i vetmi mesazh i qartë është që qeveria ka vendosur të marrë përgjegjësi politike për rendin në vend.
Dhe kur them rendin, nuk kam parasysh që Shqipëria ka probleme me rendin dhe qetësinë publike. Shqipëria është nga vendet më të sigurta në Evropë sa i takon rendit dhe qetësisë urbane. Shqipëria ka problem sfidën që i bëjnë rendit grupet banditëve e të lidhura me politikën siç ishte rasti i Fushë Krujës apo raste të tjera në vend. Kjo është një sfidë në kufijtë e sfidës politike me sfidën ligjore që duhet të zgjidh policia e shtetit dhe Ministri i ri.
Natyrisht pa qenë aq të ftohtë me njëri-tjetrin duke imituar “shtetin”, dhe pa qenë aq miqësorë me një grusht banditësh që kapardisen nëpër Shqipëri në emër të pushtetit.
Komente
Lajme të tjera
-
Mero Baze: ‘Antimitingu’ dhe ‘rrahja’, identiteti primitiv i Sali Berishës
25 Nëntor, 07:03
-
Mero Baze: Mesazhi i Berishës, nga ‘gjyqi’ i sajuar kundër Ivi Kasos
22 Nëntor, 19:24
-
DEBATET/ Opozita vendos flamurin serb në Kuvend, Balla u kërkon ta heqin: Mos provokoni! Bardhi: Lërini patriotizmat, vidhni Shqipërinë
18 Nëntor, 18:48 -
Emërimet e reja/ Ministri Hoxha dhe kryepolici Proda prezantojnë drejtorin e ri të Policisë së Beratit! Detyrat që iu lanë Luigj Vathit
17 Nëntor, 20:39 -
Mero Baze: Përse Berisha është i tërbuar me opozitarët e rinj
17 Nëntor, 07:07
-
Mero Baze: Në pritje të autokritikës së pronarëve të televizioneve për Berishën
13 Nëntor, 21:48
-
Balla takim me deputetin Shaip Kamberi në parlamentin serb: Kërkesat e shqiptarëve të Luginës së Preshevës duhet të respektohen
12 Nëntor, 16:22 -
Balla takim me komunitetin shqiptar në Venecia: Vota e Diasporës, një hap i rëndësishëm për demokracinë shqiptare
9 Nëntor, 16:54 -
Mero Baze: Përse Berisha nuk e shpjegon dot me patriotizëm 'non grata'-n e vet dhe të familjes
9 Nëntor, 07:11
-
Balla takim me drejtuesit e Shoqatës së Avokatëve Shqiptarë në Itali: Po punojmë për zgjidhjen e problematikave me njohje dokumentash dhe lehtësim procedurash konsullore
8 Nëntor, 20:20 -
Blushi akuza për arrestimin e Ilir Metës: Policia po ruan emrat e efektivëve që morën pjesë në Operacion, iu mohua edhe avokati
7 Nëntor, 15:06 -
Mero Baze: Gjithë hallet e 'Trump'-istëve shqiptarë, pas 'fitores'
6 Nëntor, 21:24
OK,M.BAZE: -Ngjarja e Krujës ishte shumë e rëndë për publikun Kombëtar e nd/Kombëtar.POR: 1.Nuk ishte fai i Ministrit se deputeti PS kushte djalin dhe vëllezrit të paprekshëm. 2.Duhej shkarkuar Drejtori Përgjithshëm dikur i Saliut..! Si dhe Tonin Vocaj po i Sb në foto me A.Kuliçaj me bërxolla 1000 € përpara. 3.Në qeverin Rama jan larguar disa MB.Po nga Qeveria e Saliut është shkarkuar ndonjë..? Jo, se Sb është vet KRIMI. 4.Nuk e zgjidh problemin një MB.Edhe sikur Ai të jet SKËNDERBEU VET..! -Që nga 1992 policia është 50 % e Saliut sikurse Administrata në dikastere e bashki..ose DREJTËSIA & MEDJET 99 % ME SB.Edhe kjo është aftësi e Sb i orientuar nga UDB.. e më gjërë.Ndaj Sb thot..UNË JAM SB O BUDOLLEJ..! 5.Në Shqipëri është TREDHUR DREJTËSIA.Zef Beozi nga Amerika lëshon kushtrimin..NË SPAK KA RËN BOMBA..!Kjo pasi Sb si fatkeqsi Kombëtare po lihet i lirë ndonse i ka të lyera duart me gjak..! -Sb nuk po e mposht dot Amerika që e ka përgëdhelur që nga 1990 me Rayrsonin nga pas.Ku përveç tij-7 Ambasador të tjerë Amerikan i ka dhunuar me shpifje..! -Amerikë..Të rruar Sb. -Ndaj po shtohen AntiAmerikanët në Shqipëri e Kosovë.
PërgjigjuNuk eshte e "rendit" por e "brendshme". Dhe nuk eshte pergjegjes per policine pasi policia eshte organ qe vartesine e ka nga ligji dhe pergjegjes per veprimtarine e saj eshte drejtori i policise e jo ministri. E kuptojme qe nga nje krim i rende dhe i dhunshem si ai i Rrahjave, Rama e zgjeron impaktin kriminal ne ekstremet politike.
PërgjigjuTaulanti e ka shum te veshtire ta drejtoje Ministrine e Brendeshme me keto bandita dhe hajduter police! Policia eshte e lidhur me bandat,policet nuk dalin te bojne punen qe paguhen nga taksa paguesit Shqiptar por te vjedhur dhe grabitur shoferet!policet nuk dalin per te vendosur ligjin por tu pasuruar!
Përgjigju