Ka një mënyrë që Partia Demokratike ta shmangë dëshpërimin e saj. Edhe pse është e qartë për secilin prej nesh, se nën udhëheqjen e Berishës ajo ka hyrë në një spirale pa fund të humbjes së shpresës, disa gjeste të vogla mund ta shmangin shfaqjen publike të dëshpërimit.
Një prej atyre është që këto ditë të gushtit me temperatura të larta, kur dhe gjithë bota pushon, ata 30 vetët që mblidhen çdo mbasdite poshtë penxheres së Berishës dhe dy herë në javë në pikë të vapës poshtë penxheres së Veliajt, të marrin pushimet.
Këta që shkojnë tek Veliaj mund të kenë dhe ndonjë honorar, dhe ja vlen, por kur mendon që do shkojnë dhe në darkë tek rrugica, është shumë.
Dhe kur them të marrin pushimet, jo doemos të shkojnë në plazh apo në mal, po të paktën të rrinë në shtëpi. Justifikimin e kanë si nga populli, ashtu dhe nga partia e tyre, se gushti është muaj pushimi.
Qeveria ka ikur e gjitha me pushime. Bashkia po ashtu.
I vetmi që nuk shkon dot tek vila në Lalëz është Berisha dhe vajza e tij, pasi e kanë vilën nën sekuestro. Po ta kishin të lirë dhe po të ishin vetë të lire, do iknin aty.
E kanë bërë çdo vit këtë ritual. Hapni Facebook-un e Berishës dhe do shikoni ecjet e tij buzë detit para vilës, numërimin e kilometrave apo kohëzgjatjen e tij në ujë.
Sivjet halli i tij është drejtësia dhe ka mbetur i mbyllur në shtëpi. Mund të ishte dhe më keq, i mbyllur në burg, por e kanë toleruar për shkak të moshës.
Tani çfarë kusuri kanë ata 30 vetët të shkojnë çdo mesdite poshtë penxheres së tij dhe dy herë në javë poshtë penxheres së Veliajt, vetëm se Berisha dhe vajza e tij nuk shkojnë dot tek vila në Lalëz?
Të paktën këto 20 ditë që kanë mbetur nga gushti të rrinë në shtëpi. Arsyetimin e kanë.
Nuk është se nxorrën gjë në dritë prej muajsh, që e bëjnë këtë sakrificë. Ja dhe zgjedhjet në Himarë i humbën më thellë se sa duhet t’i humbisnin, duke qenë se kishin dhe vulë, dhe logo, dhe ishin të bashkuar.
Duke qenë se ato pamje, tani më shumë e shtojnë dëshpërimin se sa optimizmin, është mirë të shmangen për të mirën e PD.
Berisha mund ta mbajë fjalimin e tij në Facebook çdo natë dhe ata e shikojnë, madje më mirë se nga rrugica, pasi s’ka nevojë të mbajnë kokën lartë për të dëgjuar.
Tani mund të marrin dy javë pushime, se njerëz janë dhe ata, pavarësisht se ata diell nuk quajnë këtë që ka gjithë bota mbi kokë, por atë që është mbyllur brenda penxheres.
Komente
Lajme të tjera
-
Mero Baze: Nderimi për Dumanin, si ridënim për Berishën
11 Dhjetor, 07:13
-
Mero Baze: Pas zgjedhjeve...qameti!
10 Dhjetor, 07:20
-
Mero Baze: Pse PD duhet të ulë kokën çdo 8 Dhjetor
8 Dhjetor, 22:48
-
Mero Baze: Përpjekja e Berishës për t’u dukur edhe 'komandant', edhe viktimë e SPAK
7 Dhjetor, 07:11
-
Mero Baze: Listat e mbyllura, 'qokë' që Berisha të fitojë opozitën
5 Dhjetor, 07:14
-
Mero Baze: Luksi i të vdekurit pas Sali Berishës
3 Dhjetor, 20:36
-
Mero Baze: Pasioni i Berishës për një 'SPAK paralel' që heton SPAK-un
3 Dhjetor, 10:51
-
Mero Baze: Më në fund, PD e do drejtësinë të varur nga SHBA, BE dhe… mosbindja civile
29 Nëntor, 06:59
-
Mero Baze: 700 cuba që duan t’u imponohen 700 mijë qytetarëve
26 Nëntor, 21:21
-
Mero Baze: ‘Antimitingu’ dhe ‘rrahja’, identiteti primitiv i Sali Berishës
25 Nëntor, 07:03
-
Mero Baze: Mesazhi i Berishës, nga ‘gjyqi’ i sajuar kundër Ivi Kasos
22 Nëntor, 19:24
-
Mero Baze: Përse Berisha është i tërbuar me opozitarët e rinj
17 Nëntor, 07:07
O Mero Baze kam njē pytje un Doktor Profesor Rexhep Leka. A ke qen ti dikur miku i Sali Bajgēs ? ? ?
PërgjigjuFjala MIK, ka diçka pozitive brènda more @Levrek. Ta keqpèrdorèsh atè fjalè pèr çdokènd pa shtyllè kurrizore, nuk mè duket e arritur. Ashtu si Saliu nè varkat e Volorekès, duke iu lèpirè tè pasmet familjarève tè Enverit,,,,edhe ky "i kèshillon" tè gjithè ata qè kanè pushtetin pèr momentin. Sot psh,,,ka "armik" Saliun. Deri para ca viteve,,shkruante qè Kristaqi,,i jati i Edit,,,,na flinte me tè shoqen e Edit. E kupton qè fjala MIK,,èshtè shumè e bukur pèr tè pèrshkruar zvarranikèt?