Retorika e re brenda opozitës rreth nevojës “për t’u bashkuar’ nuk duhet injoruar. Edhe pse ajo fillimisht zgjon më shumë inate se sa energji pozitive për shkak të emrave të përveçëm, ajo nuk mund të kundërshtohet po përmes emrave të përveçëm.
Retorika e bashkimit vlen si energji pozitive në opozitë, edhe kur thuhet me hipokrizi, por për t’u bërë e sinqertë dhe e vërtetë, natyrisht ka nevojë për disa parime rreth të cilës duhet të bashkohen opozitarët.
Trajtimi i tyre si dele që duhet të bashkohen o rreth Berishës, o rreth Bashës, o rreth Bardhit apo ndonjë tjetri, është fyese.
Lëvizjet politike të vërteta janë ato që i bashkojnë parimet dhe pikat e përbashkëta të veprimit politik.
Dhe ndërkohë që disa politikanë në opozitë, qoftë dhe me hipokrizi po përpiqen të flasin për “bashkim”, është mirë të përcaktohen publikisht parimet rreth të cilave mund të bashkohet opozita.
Duke marrë parasysh arsyet përse opozita është e përçarë dhe akoma më shumë efektet e reformës në drejtësi në Shqipëri, disa nga parimet të cilat mund të siguronin bashkimin e opozitës janë këto.
E para, opozita të bashkohet rreth mbështetjes për reformën në drejtësi. Formalisht është në rregull, pasi e ka votuar dhe ajo reformën, e ka dëmtuar kundërshtarin e tyre politik, më shumë se çdo institucion tjetër në jetën politike të Shqipërisë.
Reforma në drejtësi dhe institucionet e dala prej saj, edhe me votën e opozitës, janë sot armiku më i madh i qeverisë socialiste, Edi Ramës dhe gjithë pushtetit në tërësi.
Kështu që fillimisht opozitarët duhet të mbështesin armikun më të madh të qeverisë Rama, që është SPAK, dhe gjyqësori. Kjo garanton shqiptarët se drejtësia do të vazhdojë dhe pandëshkueshmëria do të marrë fund pavarësisht nëse je në pushtet apo opozitë. Socialistët e kanë bërë këtë edhe pse po paguajnë një çmim të shtrenjtë.
Së dyti, duhet të bashkohen rreth qëndrimit ndaj Perëndimit. Opozita duhet të deklarojë se mbetet forcë pro-perëndimore dhe aleate e madhe e SHBA dhe Bashkimit Evropian, duke përkrahur çdo qëndrim të tyre ndaj Shqipërisë dhe çdo sanksion ndaj çdo politikani të korruptuar apo minuesi të demokracisë në Shqipëri. Socialistët e kanë bërë këtë, edhe pse mes tyre ka persona të sanksionuar nga Perëndimi.
Së treti, opozita duhet të bashkohet rreth nevojës për reforma politike në vend dhe mbështetje të mekanizmave të tyre, siç janë reforma zgjedhore, reforma territoriale, etj, duke qenë një aktor serioz në reformimin e sistemit dhe krijimin e kushteve për lëvizje të reja politike dhe shanse për të rinjtë për të hyrë në politikë.
Për mua do të mjaftonin këto tre parime rreth të cilave duhet të bashkohen, pa qenë nevoja të zënë në gojë emrin e Sali Berishës, Lulzim Bashës, Gazmend Bardhit, Dashamir Shehit apo ndonjë tjetri.
Madje dhe sikur Berisha të bashkohet me këto parime është i mirëpritur, natyrisht si votues.
Çdo gjë tjetër pastaj është përpjekje për të sulmuar drejtësinë, përpjekje për të sulmuar SHBA dhe Perëndimin dhe përpjekje për të ruajtur monopolin në politikë të këtyre që janë; Njëri në majë të dritares së tualetit dhe tjetri në majë të pushtetit. /Tema
Lajme të tjera
-
Tiranë/ Protesta e 23 dhjetorit, gjykata liron nga arresti 7 protestuesit e opozitës! Vendosen në masën 'detyrim paraqitje' për pengimin e qarkullimit dhe kundërshtim ndaj policisë
26 Dhjetor, 10:55 -
Mero Baze: Lajmi i rremë që tregon aleancën mes Berishës dhe Kurtit në prag të zgjedhjeve
26 Dhjetor, 08:41
-
Berisha me gratë demokrate të LDG: Kjo është qeveria e Luciferit, 13 km rrugë për të vjedhur 14 herë! Ministret e Ramës pa forcë morale
25 Dhjetor, 19:13 -
Ben Andoni: PD-ja përballë protestave, por pa publikun?!
25 Dhjetor, 18:53
-
Protesta e Berishës, Faik Basha: Rëndësi ka cilësia, jo numrat! Haklaj: Mosbindja civile, teatër! PD bllokoi rrugët, vepër penale
25 Dhjetor, 17:47 -
Jakin Marena: Kujt i duhej ‘sakrifica’ e Gjekmarkajt në prag të Natës së Krishtit?!
24 Dhjetor, 21:06
-
Protesta e PD/ Ngjela për Report Tv: Kur nuk ke mbështetje, krijon akte dhune! Berisha duhet të ikë
24 Dhjetor, 19:11 -
Protesta e PD/ Kulluri: Pjesëmarrja për turp! Elezi: Pse nuk bllokojnë godinën e ‘narko shtetit’, po u nxijnë jetën qytetarëve?
24 Dhjetor, 18:50 -
Ylli Pata: Logjika politike e guerriles së senatorëve të Sali Berishës
24 Dhjetor, 18:33
-
Përplasja fizike në Kuvend, Luan Baçi i del në mbrojtje Agron Shehajt, kundër Flamur Nokës
24 Dhjetor, 18:31 -
Rrëzohen të vegjlit për Kodin Zgjedhor, Elezi: Akt tradhtie, Berisha shiti zgjedhjet! Kulluri: Shqiptarët do zgjedhin rreth 20 deputetë
24 Dhjetor, 18:03 -
Protesta/ PD kallëzon në SPAK dhe te Prokuroria e Tiranës ministrin Hoxha, kryepolicin Proda dhe zinxhirin komandues: Ushtruan dhunë! (DOKUMENTI)
24 Dhjetor, 16:59
