Gazment Bardhi duket se është vënë në siklet nga “marrëveshja” me socialistët. Sapo i mori dy komisionet hetimore, më pa vlerë që do jenë në historinë e Parlamentit të Shqipërisë, po përballet me kritika nga brenda grupit të Foltores, të cilët duket se më shumë se sa komisionet, i shqetëson protagonizmi i tij.
Dhe prej sot ka filluar të shtojë kërkesat.
Sot për shembull, ka kërkuar një raport për udhëtimet e Edi Ramës jashtë shtetit. Ndërkohë rrugës mund të kujtohet për ndonjë temë tjetër, që të duket se nuk e ka mbyllur ende pazarin, por ka dhe kërkesa të tjera.
Ai me siguri është dhe i vetmi nga këta të Foltores që e ka lexuar ligjin e ri për komisionet hetimore, ku seancat e dëshmive janë të mbyllura për shtypin dhe nuk kanë shumë mundësi të bëjnë shou me deklarata. Me siguri dhe kjo do të jetë një kërkesë e re e tij.
Nesër, pasnesër e në vijim, do të shtojë kërkesa të tjera se si funksion mensa e kryeministrit brenda godinës, kush e paguan guzhinierin, pse është mbyllur ERTV, kush e paguan Edi Ramën që bën podcast, kush i paguan shpenzimet e socialistëve kur mblidhen nëpër rrethe etj, tema interesante për publikun.
Por nuk është se do zgjidhë gjë me këtë histori.
Ajo që mbetet është se ai arriti t'i rikthejë foltoristët në qengja të urtë në seancë, duke e shitur këtë dhe si mbështetje ndërkombëtare për të.
Tritan Shehu, Dashamir Sula, Salianji etj, janë mërzitur dukshëm jo pse nuk po u jepet rasti të gjuajnë flakadanë apo t'i bien bilbilave, po pse i ka mbledhur me bilbil në rresht Gazment Bardhi.
Dhe ky hall do ta shoqërojë gjatë derisa të bëhet lista e re e deputetëve të Foltores, kur të shikohet se kush i është dashur realisht Berishës në këtë histori, ata që i binin bilbilave, apo ky që ua hoqi bilbilat nga goja dhe flakadanët nga duart.
Në finale gjithë beteja kundër Edi Ramës është transferuar në një betejë brenda Foltores, jo për të marrë meritat se kush e “gjunjëzoi” Edi Ramën, po pse Edi Rama ja dha atë meritë Gazment Bardhit.
Dhe në një parti ku ideologjia e vetme është raporti me armikun dhe jo me partinë, ky është nje debat që nuk mbyllet kurrë, pasi në finale Edi Rama normalizoi punën e tij në kuvend dhe anormalizoi gjithë funksionimin e Foltores, të cilët jo për faj të tyre, nuk dinë të sillen si njerëz normal./ Tema
Lajme të tjera
-
Mero Baze: Përse Berisha është i tërbuar me opozitarët e rinj
17 Nëntor, 07:07
-
Skandali me shit-blerjen e energjisë elektrike, Bardhi: Shqipëria e paguan me 11,1 euro, Kosova me 7,4 euro! Abuzime kriminale, Balluku përgjegjëse, SPAK të hetojë
15 Nëntor, 17:40 -
‘Tendera korruptiv në Bashkinë Tropojë’, Bardhi tek Komisioni i Ligjeve: SPAK të veprojë, Këshilli i Ministrave të shkarkojë Rexh Byberin
15 Nëntor, 12:45 -
'Janë gati të vrasin njëri-tjetrin me vrasës me pagesë', Bardhi-mazhorancës: Do hani kokat tuaja dhe ne do ngrohemi nga zjarri që keni ndezur
14 Nëntor, 10:53 -
Kuvendi/ Debate të forta, Bardhi: Hajduti dy metra intimidoi deputetët e opozitës! Shtyni me 3 javë afatin e Komisionit! Spiropali: Mos fyeni, e shtymë dy herë
14 Nëntor, 10:31 -
Zhvendoset në Kuvend debati për Komisionin Hetimor të Shëndetësisë, i mbaron afati! PD: Shtyjeni 3 javë! PS: Teatër
14 Nëntor, 09:13 -
Mero Baze: Në pritje të autokritikës së pronarëve të televizioneve për Berishën
13 Nëntor, 21:48
-
Bardhi: Rritja e pensioneve zotim i PD-së, do bëhet me çdo çmim dhe kosto
13 Nëntor, 17:18 -
Buxheti/ Bardhi fyerje ndaj Begajt: Presidenti bën takime për përshesh me gjel, po e keqpërdorni si leckë! Gjeneral i kthyer në ushtar të Ramës, po kërkon buxhet për parukeri
13 Nëntor, 13:36 -
Buxheti 2025/ Gazment Bardhi: Shqiptarët vijojnë të paguajnë për inceneratorë që s’ekzistojnë dhe kontrata korruptive
12 Nëntor, 14:56 -
Debate te Komisioni i Ligjeve/ 'Dosja I.M.', Bardhi: Na tronditët Nikollën, Balla lidhi kokën me shami, çfarë u bë me të? U keqpërdorët! Sula: Na dilte i paverifikuar, s'merremi me politikë
12 Nëntor, 12:01 -
PD propozon ndryshime në rregullore e Kuvendit: Deputetët të deklarojnë nëse kanë përdorur aplikacionet ‘SkyECC' dhe 'EncroChat'
11 Nëntor, 18:26
