Mero Baze: Përse Edi Rama po mban gjallë 'betejën' me Rai3

Ka ngjallur shumë debate fakti që Edi Rama vazhdoi sot me këmbëngulje "betejën” kundër emisionit të RAI 3 duke I akuzuar ata për racizëm, cektësi profesionale, dhe të përdorur nga kundërshtarët e tij politik në Tiranë, apo të tjerë në kërkim nga drejtësia. 

Ashtu si herën e parë kur këmbëngulja e tij për tu ballafaquar zbuloi se Rai 3 kishte manipuluar me intervistën e pa transmetuar të Sekretarit të Përgjithshëm Agaçi apo vet deklaratat e Ramës, beteja e re, duket se e ka më praktik objektivin. Kërkon të identifikoj produktin e Rai 3 me Sali Berishën Arben Ahmetaj dhe fake neës e shtypit shqiptar. 

Për hirë të së vërtetës, shpejtësia me të cilën kundërshtarët e Ramës, realizojnë objektivat e tij është për tu përshëndetur. Nuk kaloi një orë nga sulmi I Ramës dhe Sali Berisha nuk duroi dot të provonte atë që tha Rama, duke I dal zoti “Rai 3” madje dhe fotografisë së Edi Ramës masakruar prej tij. 

LEXO EDHE:
‘Rama është koka e korrupsionit’, Basha: Shqipëria ka nevojë për ndryshim dhe një qeveri që lufton seriozisht korrupsionin që e ka bërë vendin të pajetueshëm

Po ashtu vet Berisha dhe gjithë bashkëpunëtorët e tij kanë dy ditë që I kërkojnë Arben Ahmetaj të bëhet “I penduar” dhe të vij të rrëfej “krimet” e Edi Ramës që ka parë me sytë e tij, me shpresë se ai do të bëhet viagra e tyre, dhe  kështu pafuqia për të mundur Edi Ramën do të marr fund.  

Tani I gjithë spektri opozitar I Berishës siç ndodh rëndom me ta, kanë shpresë të ditës emisionin e Rai 3 dhe Arben Ahmetaj.  

I gjithë qëllimi I reagimit të Edi Ramës në fakt është vetëm ky, që ti bëj bashkë kundërshtarët e tij dhe t'i lërë si qese plehrash tek dera e Rai 3. Dhe për këtë ai ka fatin të gjej gjithnjë mirëkuptimin e Berishës që ja plotëson cdo kërkesë në kohë rrufe. 

Qëllimi është qartazi për të ndarë politikisht opinionin publik lidhur me sulmin që vjen nga një medie me prapavijë politike kundër tij dhe kryeministres së Italisë, që konsiderohet mike e tij dhe Shqipërisë dhe që viziton të mërkurën Shqipërinë. 

Dhe e ndau më shpejt se sa e mendonte që ndahej. 

Mjaftoi reagimi I tij që gjithë opozita e Berishës dhe Metës të shpallnin shpresë të tyre Rai 3 dhe ëndrrën që të kenë Arben Ahmetaj të penduar të drejtësisë. Disa madje kanë filluar ti japin dhe udhëzime publike se si të veprojë, çfarë të thotë që t'ia falin dhe këta krimet, jo vetëm drejtësia.

Mundësisht të thotë fjala vjen që këtë vend e shpëton vetëm Argita. 

Po ti shtosh kësaj dhe ndjeshmërinë që krijon tek diaspora shqiptare, një sulm me nota raciste ndaj Shqipërisë, mbushur me fakte të cekëta, të palidhura dhe të pakonfirmuara, është e lehtë të kuptosh pse Edi Rama vazhdon betejën në baltë  me Rai 3. E bën se është i sigurt që Berisha nuk të lë kurrë në balt, për marrëzi të tilla. 

TAG:
• Mero Baze
• edi rama

Sondazhi i ditës:

Si ka qene per ju viti 2024?

• I mire

  43.7%

• I keq

  22.7%

• As i mire as i keq

  33.6%

Vota total: 1624

Votat totale janë unike

• Sondazhi i ditës:

  Si ka qene per ju viti 2024?

  I mire I keq As i mire as i keq