Nisma e Lulzim Bashës për ndryshime kushtetuese, prek tri çështje të rëndësishme, vetingun e politikanëve, ndryshimin e sistemit zgjedhor dhe reformën territoriale. Dy nga këto çështje janë pasoja të bojkotit të Lulzim Bashës ndaj jetës parlamentare dhe kompleksit për të bashkepunuar me qeverinë për Reformën territoriale, duke la lënë “sovranitetin” e opozitës në dorë Shëptim Idrizit.
E treta vetingu i politikanëve, është një temë me shumë interes. Një nga sukseset politike të Bashës në tetë vite mbetet ligji i dekriminalizimit të politikës, që është një lloj vetingu për politikën, në një shkallë të caktuar. Por të gjithë jemi të vetëdijshëm se pavarësisht se ligji vendos boll pengesa për integrimin e krimit të organizuar në politikë, kur ai shkoi në parlament, u modifikua aq shumë që të mos u binte ndesh politikaneve aktualë, sa u bë gati qesharake, që ligji në fund nuk prekte asnjë deputet, por merrej me ata që tentonin të hynin në politikë.
Vetingu i politikës, që është një hap përpara këtij ligji, nuk duhet të pësojë këtë fat. AI duhet të bëhet kalë beteje nga Lulzim Basha, duke e pasur të qartë në kokë idenë se çfarë duhet të realizojë me të. Kur ai u angazhua për ligjin e dekriminalizimit e kishte të qartë problemin, pasi u ndesh me të në parlament dhe në zgjedhje. E vërteta është se shumë figura të inkriminuara po depërtonin në politikë përmes Kuvendit apo bashkive. Ligji e frenoi ndjeshëm këtë fenomen.
Tani nëse dhe për Vetingun, Lulzim Basha do të jetë i qartë se çfarë synon të arrijë, patjetër që do të ketë sukses. Por këmbëngulja tek detaje të tilla që “politikanët t’i hetoje SPAK”, apo shtimi në këtë listë dhe i zyrtareve të tjerë të lartë si Guvernatori i Bankës apo Kryetari i KLSH etj, kanë nevojë për qartësi, nëse do të bëjmë veting për politikanë që zgjidhen, për zyrtarë të lartë, apo për gjithkënd që hyn në administratë të shtetit apo politikë.
Kështu si po bëhen propozimet, duket sikur më shumë bëhen që Basha të detyrojë Berishën dhe Ramën të deklarohen njësoj, se sa që të bëhet ligji. I kompleksuar nga akuzat e Berishës se “Basha është peng i Ramës” ai tani duket më i preokupuar të nxjerrë Berishën bashkëpunëtor me Ramën, se sa të bëjë kalë beteje ligjin për vetingun. Raca e Berishës dhe Ramës si politikanë nuk është se kompleksohen kollaj. Berisha ka bërë pazar dhe kompromis me çdo kryeministër socialist, me Fatos Nanon, me ilir Metën me Pandeli Majkon dhe Edi Ramën. Sa herë i është dashur, është ulur, ka mbyllur pazarin dhe ka vazhduar punë. Askush si ai nuk ka bërë kaq shumë marrëveshje dhe pazare në politikën shqiptare, ndaj me atë lodhesh kot ta akuzosh se bën pazare me Ramën.
Edi Rama po ashtu. Ai nuk ka asnjë kompleks nga të bërit marrëveshje me kundërshtarin. E ka bërë këtë me Berishën e ka bërë më pas dhe me Bashën.
Kjo vjen nga fakti se kur liderët kanë shumë mbështetje në partinë e tyre, as që vrasin mendjen për opinionin publik kur hyjnë në marrëveshje me kundërshtarët, pasi e përballojnë debatin brenda partisë. Ndaj Basha lodhet kot kur keqpërdor një nismë kaq shumë të rëndësishme si Vetingu i politikës për të kompletuar Berishën dhe Ramën si bashkëpunëtorë me njëri-tjetrin. Kjo vetëm sa tregon se ai nuk ka fuqi të përballojë një debat brenda partisë, nëse ulet e negocion me Ramën për reformën kushtetuese që propozon.
Këtë kompleks duhet ta heqë, pasi Berisha e Rama nuk mërziten pse ai i akuzon për bashkëpunim me njëri tjetrin. Ai mund ta thotë përditë që Rama dhe Berisha janë aleatë, bile mund të shtojë aty dhe Doshin e të tjerë siç ka qejf ai. Nga kjo retorikë ata nuk mërziten. Më shumë do të mërziteshin po të bëhej Vetingu. Ndaj nëse Basha e ka seriozisht duhet të përqendrohet tek Vetigun jo tek shpikja e dyshes Rama Berisha, se ajo tregon më shumë komplekset e tij ndaj bashkëpunimit se sa ndonjë realitet.
Lajme të tjera
-
Dritan Hila: Më mirë rrugëve!
27 Nëntor, 15:18
-
Martin Leka: Saliu doli, alibia ra, Rama fërkon duart!
27 Nëntor, 14:51
-
Berisha me gazetarët pas lirimit nga GJKKO: Falenderova gjykatësen për vendimin, por të tjerët janë bandë kriminale! Ku i gjeti Dumani 3 apartamente?
27 Nëntor, 14:47 -
GJKKO e liroi nga 'arresti shtëpiak', Berisha kthehet në PD pas 331 ditësh, sulmon Ramën: Je puçist! Krijo qeveri teknike ose mosbindja civile është gati
27 Nëntor, 13:39 -
Po pse Berisha arrin të gënjejë edhe për lirinë e tij?
27 Nëntor, 13:05
-
Rama: Komisioni antikorrupsion do të jetë i përhershëm, pikë referimi për të gjitha institucionet! Do na garantojë suksesin për anëtarësimin në BE
27 Nëntor, 13:05 -
Skënder Minxhozi: SKAPI u bë SPAK!
27 Nëntor, 11:35
-
Sali Berisha lirohet nga 'arresti shtëpiak!' Reagon opozita! Bardhi: Fitore politike e tij! Meta nga burgu: Urime
27 Nëntor, 11:29 -
Namir Lapardhaja: Flojera Davidhi – gjyqtare e ‘fjalës së lirë’ apo ‘e kapur nga Edi Rama’?
27 Nëntor, 11:22
-
Afera 'Partizani'/ GJKKO i heq 'arrestin shtëpiak' Sali Berishës pas 331 ditësh! SPAK: E apelojmë! Avokati: S'ka rrezik për prishje provash! Kryetari i PD-se: U kry kjo punë! Falenderon gjykatësen
27 Nëntor, 10:12
-
Protesta e 26 nëntorit/ Goditën e ofeduan policët, 15 deputetë të opozitës hetohen si organizatorë! Arrestohen 2 militantë, 64 në hetim (EMRAT)
27 Nëntor, 09:26
-
Alban Daci: Kjo klasë politike është e destinuar të rrëzohet!
27 Nëntor, 09:20
