VIDEO
Rreth orës 20:00 të mbrëmjes, me ndërmjetësimin e OSBE-së pas të shtënave me ndërprerje që pati përgjatë gjithë ditës, 26 vete nga grupi i të armatosurve u dorëzuan me flamujt e bardhë, ndersa pjesa tjeter refuzua te dorezohen, pikerisht ne kete moment u realizua edhe nderhyrja finale e forcave speciale.
Shqiptaret e lagjes se Trimave u evakuan, ndersa nje pjese e qytetit të Kumanovës eshte në shtetrrethim të plotë nga policia maqedonase, aksion në të cilin u përfshi edhe ushtria. Mediat vendase ishin të parat që dhanë informacione për viktima, por ministrja e Brendshme tha se nuk ka informacione zyrtare per banore te vrare. Sipas mediave, vec policeve dhe grupit sulmues, humben jeten gjithashtu edhe 5 shqiptarë, mes tyre tre të moshuar, një vajzë 8-vjeçare dhe prindi i saj.
Ministria e Brendshme e Maqedonisë në deklaratën e parë zyrtare gjate dites tha se aksioni u ndërmorr për të kapur një grup të armatosur, që sipas autoriteteve maqedonase kishte planifikuar të bënte sulme terroriste ndaj institucioneve shtetërore.
Informacionet ishin marrë fillimisht në rrugë operative, por më vonë u zbulua se grupi i armatosur kishte hyrë ilegalisht në Maqedoni nga një vend fqinj, pa e specifikuar për cilin shtet bëhet fjalë, dhe se më tej sipas ministrise, u strehuan nga mbështetës të tyre për të përgatitur sulmet e planifikuara terroriste.
Te vetmit qe kane marre persiper pergjegjesine për goditjen e forcave maqedonase janë Luftëtarët e Ushtrisë Çlirimtare Kombëtare”
Analistët vendas hedhin tezat e tyre se kjo ngjarje bëhet për të hequr vëmendjen nga ajo se çfarë po ndodh në politiken e tensionuar të Maqedonisë, pas "bombave" të përgjimeve nga lideri i opozitës Zoran Zaev dhe protestave që shpërthyen kundër qeverisë së Gruevskit.
Ora 22:55 Ministrja e brendshme maqedonase: Nga aksioni mbetën të vrarë 5 policë e 30 të plagosur
Ministrja e brendshme Gordana Jankullovska në konferencën për media njoftoi për bilancin e përleshjeve të sotme në Kumanovë. Ajo tha se nga radhët e MPB-së kanë mbetur të vrarë 5 police si dhe mbi 30-të të tjerë kanë mbetur të plagosur.
Jankullovska u shpreh se MPB-ja nuk ka informata për civil të plagosur, ndërsa ka viktima edhe nga ana e grupit te armatosur por nuk e dinë numrin e saktë të tyre. Sipas saj bëhet fjalë për persona nga vendi dhe shtetet fqinje.
Ora 22:40 S'ka më të shtëna në Kumanovë
Pas informacioneve se tashmë ka përfunduar përleshja në Kumanovë, kanë nisur të hidhen në rrjetet sociale edhe foto të Kumanovës si qytet i qetë dhe pa të shtëna armësh.
(Pamje nga Kumanova pas pushimit të të shtënave)
Ora 22:10 Ja emrat e policëve të vrarë në Kumanovë
Bëhen të ditur emrat e 3 prej 5 policëve të vrarë në konfliktin e sotëm në Kumanovë.
Sasho Samoilovski (32) nga Tetova, Zharko Kuzmanovski (32) nga fshati Bërvenic dhe Nenad Serafimovski (28)nga fshati Zubovc (komuna e Vrapçishtit) janë tre policët identiteti i të cilëve deri më tash bëhet i ditur.
Mediat shkruajnë edhe për dy policë të tjerë të vrarë. Njëri prej tyre është nga Gostivari kurse tjetri nga Shtipi
Në të majt polici i vrarë nga Tetova (Sasho Samoilovski) kurse në të djatht polici i vrarë nga fshati Zubovc (Nenad Serafimovski)
Ora 22:05 Gjilani ngre shtab humanitar në dispozicion të shqiptarëve
Komuna e Gjilanit është bërë gati për të pritur shqiptarët e Kumanovës të cilët u larguan nga lagjia e "Trimave" pas përleshjes së armatosur që shpërtheu mes policisë e një grupi të cilësuar terrorist. Në komunën e Gjilanit është ngritur një Shtab për të qenë në gadishmëri dhe dispozicion humanitar të shqiptarëve të cilët mund të kenë mbetur të lënduar, por gjithashtu për t'i siguruar atyre strehimin
Ora 21:50 Përfundon aksioni policor në Kumanovë
Mediat maqedonase shkruajnë se ka përfunduar aksioni policor në Kumanovë dhe se për pak do të dalë në një deklaratë për mediat vetë ministri i brendshëm maqedonas.
Ora 21:30 Asgjesohet grupi i fundit i sulmuesve në Kumanovë
Mediat maqedonase shkruajnë se aksioni policor në Kumanovë ka përfunduar.
Është asgjësuar edhe grupi i fundit i armatosur i përbërë nga 9 persona, katër prej të cilëve kanë vdekur nga të shtënat me Policinë, njëri prej tyre është vetëvrarë ndërsa katër të tjerë janë dorëzuar në polici.
Ora 20:40 Vuçiç: Nëse na provokoni do të kundërpërgjigjemi, sonte do ketë tubime
Kryeministri serb Aleksandar Vuçiç ka bërë thirrje të sot në mbrëmje se të gjithë janë përgjegjës për ruajtjen e paqes dhe stabilitetit në rajon dhe tha se Serbia do të japë përgjigje të shpejtë, efikase dhe vendimtare, nëse dikush përpiqet që të rrezikojë sigurinë e saj.
Vuçiç u tha gazetarëve se qeveria serbe është afër dhe po monitoron ngjarjet në veri të Maqedonisë.
"Serbia do të dijë se si për të mbrojtur territorin e tyre, për të mbrojtur paqen dhe stabilitetin. Ne jemi të detyruar të dërgojnë trupa shtesë për të ndihmuar në konsolidimin e paqes," - tha Vuçiç.
Kryeministri tha se çdo përpjekje për provokim në këtë situatë, në Serbi, do të sjellë reagim me vendosmëri.
Po ashtu kryeministri serb tha se ka informacion se ekzistojnë plane që sonte do të organizohen tubime në juglindje të Kosovës dhe Metohisë.
"Unë dua tu them të gjithëve që të mos abuzojnë me dëshirën e Serbisë për të ruajtur paqen dhe stabilitetin dhe mos mendojni se ata mund të rrezikojnë integritetin dhe sovranitetin tonë, sepse përgjigja e Serbisë do të jetë e shpejtë, vendimtare, e fuqishme dhe efikase, shumë më efikas se çdo tjetër," - tha Vuçiç.
Ndërkohë pas nisjes së përleshjes në Kumanovë, Serbia ka dërguar në kufi forca xhandarmërie për të garantuar rendin dhe sigurinë.
Ora 20:30 Shumica prej të dorëzuarve janë kosovarë
Sipas mediave maqedonase pjesa më e madhe e të dorëzuarve të armatosur që nisën të shtënat në Kumanovë janë shtetas kosovarë ndërsa pjesa tjetër janë shtetas maqedonas. Deri më tani janë dorëzuar rreth 30 persona ndërkohë që raportohet se në sulm kanë marrë pjesë rreth 70 persona.
Ora 20:10 VIDEO/ Dorëzohen një pjesë e të armatosurve, por ka ende të shtëna
Edhe pse janë dorëzuar disa nga personat e grupit të armatosur, në Kumanovë viojnë ende të dëgjohen të shtëna me armë zjarri. Kjo video bëhet dëshmi e këtij fakti.
VIDEO ME RE - ora 20:08VIDEO ME RE - ora 20:08 Nuk janë ndalur krisamat ende në Kumanovë !![ share - shperndaje ] Me te rejat vetem ne Kumanova Sot
Posted by Kumanova Sot on 2015-05-09
Ora 19:50 Qytetarët lënë Maqedoninë, i drejtohen kufirit me Serbinë
Pas luftës që shpërtheu mes policisë dhe grupit të armatosur, një pjesë e kumanovarëve kanë lënë vendin dhe i janë drejtuar kufirit të Serbisë, duke dalë jashtë Maqedonisë
Ora 19:45 Mediat: Ja polici që u vra gjatë përleshjes së armatosur
Duke cituar burime të sigurta të afërta me zhvillimet në Maqedoni, mediat kosovare shkruajnë se një nga policët që mbeti i vrarë gjatë përleshjes së armatosur në Kumanovë është Sashe Samojlovski.
Ndërkaq, merret vesh se numri i përgjithshëm i policëve të vrarë në këtë aksion është katër dhe dy nga ta janë nga fshati Bërvenicë i Tetovës, ndërsa kanë mbetur të plagosur 15 policë tjerë, tre prej tyre kanë marrë plagë të rënda.
Ora 19:25 Në lagjen e “Trimave” nuk ka më të shtëna me armë
Korrespondetja e A1 Report në Maqedoni Zërijeta Jajaga konfirmoi për A1 Report se në lagjen e “Trimave” në Kumanovë nuk raportohet për të shtëna me armë. Situata aktualisht paraqitet e qetë, pas dorëzimit të rreth 20 personave nga grupi i armatosur.
Ora 19:15 Emini për A1 Report: Dorëzohen 20 nga grupi i armatosur
Në një lidhje telefonike për A1 Report analisti maqedonas Emin Azemi, duke cituar burime nga Ministria e Brendshme tha se janë dorëzuar 20 persona të armatosur.
Sipas analistit Azemi, grupi i armatosur i cili dyshohet se përbëhet nga 70 persona, ka arritur në këtë situatë pasi duke qenë se nuk e ka njohur zonën, kanë hasur vështirësi për tu strehuar dhe për t’iu shmangur forcave të shumta të policisë për shkak edhe të rrugicave të ngushta të kësaj lagjeje. Dorëzimi i disa prej anëtarëve të grupit të armatosur mendohet se është bërë edhe nga ndërmjetësimi i përfaqësive të huaja të cilët gjithashtu kanë vëzhguar situatën e rëndë të sigurisë në Kumanovë.
Ora 18:30 Hajdari: “Teatër” i inskenuar nga qeveria e Gruevskit
Në një intervistë të drejtëpërdrejtë për studion e lajmeve të A1 Report, Fejzi Hajdari, botues i “Gazeta Lajm” është shprehur se ajo që po ndodh në Kumanovë është një “Teatër” i inskenuar nga qeveria e Gruevskit për të shkëputur vëmendjen nga përgjimet që po i bëhen qeverisë.
“Jam i bindur se pas këtij aksioni qëndron qeveria e Gruevskit. Është një aksion teatral i kësaj qeverie”, ka thënë ai.
Sipas tij, edhe heshtja e qeverisë maqedonase lidhet pikërisht me faktin që pas këtij aksioni fshihet vetë ajo.
Ora 18:30 Bushati: Grupet e armatosura të mos identifikohen etnikisht
Ministri i jashtëm shqiptar Ditmir Bushati në një dalje për mediat ka thënë se ministria jonë dënon çdo akt dhune që po ndodh në Kumanovë dhe se nuk do të mbështesë e madje do të dënojë çdo akt të kësaj dhune. Ministri i Jashtëm shqiptar i ka bërë thirrje autoriteteve fqinje që personat apo grupet e armatosura të mos identifikohen etnikisht.
Bushati tha se pala shqiptare do të nxisë hetimin e plotë të ngjarjes për të nxjerrë në pah realitetin e kësaj ngjarjeje nga pala maqedonase.
"Sot dëshiroj të flas vetëm për këtë datë të shënuar edhe për shkak të ngjarjeve të ndodhura në fqinjin tonë Maqedoninë. Vlerësimet e qeverisë shqiptare lidhur me situatën e deritanishme mbi fillimin e një operacioni të gjerë në lagjen e trimave e banuar kryesisht nga shqiptarë janë shqetësuese. Janë lënduar një numër ende i pakonfirmuar personash. Ne nxisim palën maqedonase për hetime të plota për zbardhjen e kësaj çështjeje. Po ashtu bëjmë thirrje që çdo person apo grup i armatosur të mos identifikohet etnikisht,”- tha Bushati.
Ora 18:25 VIDEO/ Mediat: 4 policë të vrarë dhe 5 shqiptarë
Ende asnjë konfirmim zyrtar nga autoritetet maqedonase për viktima apo të plagosur nga sulmi i armatosur në Kumanovë. Janë gazetarët që ndodhen pranë lagjes së “Trimave” dhe që kanë lidhur kontaktet me banorët të cilët raportojnë se përleshja e armatosur dhe grupit që policia e cilëson si terrorist, ka lënë disa të vrarë në radhët e qytetarëve shqiptarë por edhe të policisë. Sipas televizionit Koha, katër polici kanë humbur jetën, dy prej tyre nga fshati Bërvenicë i Tetovës, ndërsa 15 efektivë të tjerë kanë mbetur të plagosur, trej prej tyre me plagë të rënda.
Sakaq, 5 banorë shqiptarë të lagjes së “Trimave” kanë mbetur të vrarë nga breshëria e të shtënave me armë, mes tyre edhe një vajzë tetëvjeçare.
Gazeta Express ka publikuar pamje nga spitali ushtarak i Shkupit ku duket transportimi i policëve të lënduar për të marrë mjekim.
Posted by Kumanova Sot on 2015-05-09
