POP 5

Lajmet më të lexuara të 5 minutave të fundit

Merr fund ecuria negative prej 6 humbjesh radhazi, Skënderbeu fiton me Laçin

Momente nga ndeshja Skënderbeu-Laçi

Skënderbeu i ka dhënë fund krizës së rezultateve pasi sot korçarët kanë fituar 2-1 kundër Laçit në sfidën e fundit të vlefshme për javën e 21 të Superligës. Ndeshja në stadiumin ‘Skënderbeu’ që dukej si i dënuar për shkak të tifozëve të pakët, u zhbllokua vetëm në minutën e 55 nga sulmuesi Krasniqi, i cili realizoi një gol të bukur me kokë.

Për të dyfishuar rezultatin mendoi kroati Pervan në minutën e 76, që finalizoi saktë një penallti të fituar nga Krasniqi. Gjithsesi tre pikët do të vinin me drithërima për Skënderbeun pasi Laçi në limitet e kohës së rregullt shkurtoi diferencat me portierin Selmani që nuk gaboi nga 11 metra.

Në fund vërshëllima e trefishtë e arbitrit që sinjalizon fitoren e Skënderbeut pas 6 humbjesh radhazi, ndërkohë që nga ana tjetër Laçi del përsëri pa pikë pas disfatës që pësoi një javë më parë nga Luftëtari.

l.q.
Komento