TIRANË- Vjosa, lumi i fundit i egër në Europë, është shpallur zyrtarisht Park Kombëtar duke i dhënë fund njëherë e mirë debateve mbi mbrojtjen e këtij lumi, çka do të thotë se në nuk do të lejohet asnjë lloj ndërtimi që cenon lumin Vjosa, përfshirë këtu edhe HEC-et që krijuan një debat të madh jo vetëm në Shqipëri, por edhe në arenën ndërkombëtare.
Me vendimin e marrë sot nga Këshilli i Ministrave, e gjithë sipërfaqja e lumit Vjosa, zona bregore, një pjesë e sipërfaqes tokësore, bashkë me tre degët e lumit Drino, Bënsh, Shushicës është shpallur Park Kombëtar. Sipërfaqja totale e shpallur Park Kombëtar është 12 727 hektarë.
"Kemi sot vendimin përfundimtar që e shpallim lumin e Vjosës lumin e fundit të egër në Europë Park Kombëtar, kategoria e dytë e mbrojtjes që është shumë më e lartë se ajo që kishte një vit më parë si Park Natyror. E kemi shtrirë këtë sipërfaqe mbrojtje në 12 727 ha që është gjithë sipërfaqja ujore, bregore e lumit bashkë me sipërfaqen tokësore që së bashku me të tre degët e lumit Vjosë, Drino, Bënsh, Shushicës, bëjnë atë që duhet atë që është sot parku i parë i një lumi të egër në Europë.", ministrja Mirela Kumbaro.
Ndonëse është shpallur Park Kombëtar, qeveria nuk e ka ende një plan menaxhimi, por do të nisë përgatitjen e tij nga java në vijim. Sipas studimit që të do të bëhet për zonën, do të përcaktohet zona se ku mund të ngrihen veprimtari ekonomike, ndërsa në pjesët ku cenohet lumi dhe krahët e tij nuk do të lejohet asnjë lloj ndërtimi.
“Pas kësaj jave do vazhdojmë me hartimin e planit të menaxhimit, shumë të domosdoshëm dhe gjithë masterplanin e zonës për të parë ku mund të zhvillohen zona tradicionale, eko turizëm, ku do jetë pjesa mbrojtjes strikte dhe nuk ndërhyhet fare”, vijoi ministrja.
Shpallja e lumit Vjosa si Park Kombëtar ndihmon ruajtjen e një prej lumenjve të fundit të egër të Europës. Ai nuk do të mbrojë vetëm lumenjtë, por pritet të kthehet edhe në një burim të ardhurash për zonën. Vjosa është cilësuar nga ekspertët si zemra blu e Ballkanit dhe një nga lumenjtë e fundit, të egër, të gjallë në Europë. Kështu, me shpalljen Park Kombëtar, Vjosa bëhet parku i parë i një lumi të egër në Europë.
Në janar, Vjosa mori statusin “Park Natyror” duke u bërë për herë të parë pjesë e zonave të mbrojtura, ndërsa një marrëveshje me organizatën amerikane “Patagonia” iu hap rrugë shpalljes së saj Park Kombëtar. Nisja e ndërtimit të disa HEC-eve në lumin e Vjosës alarmoi shumë ambientalistë ndërkombëtare të cilët për shkak të cenimit të lumit nga digat që po ndërtoheshin bëri që të niste një fushatë ndërkombëtare për mbrojtjen e lumit të fundit të egër në Europë. Një zi i fuqishëm ka qenë edhe ai i aktorit të njohur ndërkombëtar, Leonardo di Caprio i cili udhëhoqi fushatën për mbrojtjen e Vjosës dhe disa herë i kërkoi qeverisë që ta shpalltë Park Kombëtar.
Vjosa, me një gjatësi 272 kilometra, shërben si habitat i mbi 1,100 specieve, ndër të cilat 13 janë gjallesa në rrezik zhdukje në rang global. Këto vlera ekologjike dhe kulturore ofrojnë mundësi të mëdha për eko-turizëm dhe përfitime të tjera ekonomike për njerëzit që jetojnë në rajonin përkatës.
Komente
Lajme të tjera
-
Lonely Planet: Në Shqipëri ndodhet parku i parë kombëtar në Europë kushtuar një lumi 'të egër'
13 Dhjetor, 15:42 -
'Udhëtimi 200 km me kajak përgjatë Vjosës', BBC: Një prej lumenjve të egër dhe të fundit të Evropës
2 Dhjetor, 19:01 -
Gati aplikimi për Vjosën si pjesë e UNESCO-s, Kumbaro: Krenarë për gjithë punën e bërë, një kontribut i gjithë shoqërisë shqiptare
30 Shtator, 13:31 -
Përmet/ Po bënte rafting në lumin Vjosë, lëndohet turisti spanjoll
28 Korrik, 16:09 -
Komisionet parlamentare ‘Ok’ kredisë 75.5 mln euro për pastrimin e Vjosës! Opozita kundër: Po keqpërdoren paratë, ka korrupsion
25 Qershor, 17:15
-
Studiues shqiptarë dhe të huaj kërkojnë nga qeveria të përfshijë Deltën e Lumit Vjosa në Parkun Kombëtar: Jo ndërtimeve në Zvernec!
27 Prill, 16:46 -
Ditëlindja e Parkut Kombëtar të Vjosës/ Rama: Po kthehet në kartëvizitën më të vyer të Shqipërisë
13 Mars, 10:42 -
Bie niveli i Vjosës, në breg një varkë e rrallë, mund t'i përkasë Mesjetës
19 Shkurt, 19:59 -
Pr/ligji, në zonat e mbrojtura do hapen biznese nga banorët që jetojnë brenda tyre! KKT do të lejojë investime në parqet kombëtare (Drafti)
13 Dhjetor 2023, 16:48
-
Lumi Vjosa, Rama ndan projektin fitues të studios ‘CERBA’: Vajza dhe djem do ndërtojnë jetën në parkun e Vjosës
10 Dhjetor 2023, 14:21 -
Gjallesat në Sazan-Karaburun në rrezik nga turistët! Agjencitë turistike shkelin kodin e sjelljes, ndotin plazhet
8 Dhjetor 2023, 16:21
-
Në parkun Kombëtar të Vjosës do ngrihet qendra për promovimin e natyrës, shpallet kompania fituese! Rama-mesazh BE-së: Ruajtëm lumin e fundit të egër në Evropë
6 Dhjetor 2023, 10:45
Se pari, qeveria duhet te perfshinte edhe derdhjen e lumit ne siperfaqen e parkut se eshte shume e rendesishme. Se dyti, ata qe nuk i kuptojne perfitimet nga shpallja zone e mbrojtur me mire te pyesin per tu sqaruar se te japin konkluzione si te mencur.
Përgjigju/DREJTESI/,mos fut politiken dhe nacionalizmin vend e pa vend.Vjosa nga Greqia buron dhe se bashku do te ndajme pergjegjesine e mbrojtjes.Dhe mos i quaj te shitur nga nje ane e nga ana tjeter pyet cfare fitojme ne.Fitojme mbrojtjen e natures dhe turistin modern ekologjik,po keshtu dhe sportise te apasionuar pas sporteve ujore.
PërgjigjuNuk diskutoj me nje hic, qe nuk ka bere asgje ne jeten e saj. Po nga permbytjet si do mbrohet toka dhe a e di ti sa eshte demi. Po flet me nje person qe ka 45 vjet qe i ka kushtuar ndertimit dhe studimit ne lumenj, ketu e jashte vendit. Duhet te jesh nacional, e pastaj internacional, sepse kete te fundit e provuam . Le ti prishin te gjithe vendet cfare kane bere me lume jte, te gjithe vendet e Danubit, te gjithe vendet e Rhinit, ku nuk ka mbetur centimeter ka u shfrytezuar. Po te them vetem efektin ekonomik vetem te dy digave te miratuara, Piocemit dheKalivacit, 1 miliard kWh, qe me costot e tanishme jane 200 milion USD, dhe pothuaj 30-40 milion USD mbrojtjet nga permbytje. Turizmi dhe agroturizmi nuk preket fare, perkundrazi sportet ujore zhvillohen me mire edhe ne lume edhe ne dy liqenet. Agroturizmi zhvillohet ne dy brigjet. Me ke flas une, me nje pioniere qe nuk ka bere asgje ne jeten e saj.
Fitore ndaj makuterise e babezise
PërgjigjuNa rrofte lumi i fundit i eger. Ka trasta gje? Po vendet e tjera europiane qe i kane prishur dhe nuk ka me lumenj te egjer, a do i rikthejne lumenjte e tyre ne te egjer prap, me qe qenka gje e mire? Cfare fitojme ne, apo mbushim gazetat e botes? Apo do vershojne miliona turiste te shohin lumin e fundit te eger ne Europe, ne te cilin na u fut ne pjese edhe Greqia, me vetem 50 km ne territorin e saj dhe mbi 230 km ne territorin tone. O Popull, fali keta ciliminj dhe te shitur qe shesin cdo gje dhe nuk kane vizion per asgje, ne asnje negociate. A ka marreveshje me Europen se cfare fitojme ne? Te na i tregojne marreveshjen. Vjosa me varreza greke, Vjosa me pretendime Vorioepirote, Vjosa me pjesetare Greqine ne "menaxhimin" e saj. Duhej bere referendum, nuk eshte kjo rruga. Kukulla jeni.